Kopano ya Selete ya Dihlatse tša Jehofa

Ya “Šireletša Pelo ya Gago!”

SEHLOGO SA LABOHLANO

“Jehofa Yena o Bona Dipelo”—1 SAMUELE 16:7.

SEHLOGO SA MOKIBELO

“Molomo o Bolela go tšwa go se se Tletšego Pelong”—MATEO 12:34.

SEHLOGO SA SONTAGA

‘Hlankela Jehofa ka Pelo e Feletšego’—1 DIKORONIKA 28:9.

Ka Beibeleng go bolelwa ka pelo mo e nyakilego go ba ka makga a sekete. Mabakeng a mantši, Mangwalo ga a bolele ka pelo ya kgonthe eupša a bolela ka pelo ya seswantšhetšo. Pelo ya seswantšhetšo ke eng? Lentšu le le ka bolela motho wa ka gare—seo motho a se naganago, tsela yeo a ikwago ka yona le dikganyogo tša gagwe.

Ke ka baka la’ng re swanetše go šireletša pelo ya rena ya seswantšhetšo? Modimo o ile a tutueletša Kgoši Solomone go ngwala gore: “Go feta tšohle tšeo di swanetšego go šireletšwa, šireletša pelo ya gago ka gobane methopo ya bophelo e tšwa go yona.” (Diema 4:23) Boemo bja bophelo bja rena bja gona bjale le ditebelelo tša rena tša bophelo bja nakong e tlago di ithekgile ka boemo bja pelo ya rena ya seswantšhetšo. Ka baka la’ng? Ka gobane Modimo o bona seo se lego ka dipelong tša rena. (1 Samuele 16:7) Ke mohuta wa motho yo re lego yena ka gare, “motho wa sephiring wa pelo,” yoo a laolago tsela yeo Modimo a ikwago ka yona ka rena.—1 Petro 3:4.

Re ka šireletša bjang pelo ya rena? Karabo ya potšišo yeo e tla ahlaahlwa ka mo go tseneletšego dikopanong tša selete tšeo di tlago go swarwa ke Dihlatse tša Jehofa lefaseng ka bophara go thoma kgweding ye. O laletšwa ka borutho gore o be gona matšatši ka moka a mararo a kopano ye. * Seo o ithutago sona se tla go thuša go itshwara ka tsela yeo e tlago go thabiša pelo ya Jehofa Modimo.—Diema 27:11.

[Mongwalo wa ka tlase]

[Mothopo wa Seswantšho go letlakala 32]

Photo on right: Aus dem Fundus der MÜNCHNER OLYMPIAPARK GMBH, München