Ke ka Baka La’ng ke Boifa go Bolela ka Tumelo ya ka Sekolong?
Kgaolo 17
Ke ka Baka La’ng ke Boifa go Bolela ka Tumelo ya ka Sekolong?
“Go bile le dibaka tše dibotse kudu tša gore ke bolele ka ditumelo tša ka sekolong. Eupša ke ile ka di tshediša mahlo.”—Kaleb.
“Morutišigadi wa rena o ile a botšiša klase seo e bego e se nagana ka tlhagelelo. Ke be ke tseba gore se e be e le sebaka se sebotse kudu sa gore ke bolele ka tumelo ya ka. Eupša ke ile ka tonya gomme ka se bolele selo. Ka morago ga moo, ke ile ka kwa bohloko kudu.”—Jasmine.
GE E ba o le mofsa wa Mokriste, mohlomongwe o ka kwešiša phihlelo ya Kaleb le ya Jasmine. Ka go swana le bona, o ka ba o rata ditherešo tše di theilwego Beibeleng tšeo o ithutilego tšona. E bile o ka ba o nyaka go di botša ba bangwe. Lega go le bjalo, o ka boifišwa ke go fo nagana ka go bolela ka tšona. Eupša o ka ithuta go ba le sebete se se oketšegilego. Bjang? Gata megato e latelago:
1. Tseba dilo tšeo o di boifago. Ge o nagana ka go bolela ka tumelo ya gago, go bonolo go nagana ka selo se se sa kgahlišego seo se ka diregago. Lega go le bjalo, ka dinako tše dingwe o ka fokotša dilo tšeo o di boifago ka go fo di bolela goba go di ngwala.
Feleletša lefoko le le latelago:
● Ge nka bolela ka ditumelo tša ka sekolong, ke boifa gore go ka direga se: ․․․․․
O ka kgothatšwa ke go tseba gore dilo tšeo o di boifago di swana kudu le tša bafsa ba bangwe ba Bakriste. Ka mohlala, Christopher wa nywaga e 14 o dumela ka gore: “Ke boifa gore bana ba bangwe ba tla nkwera gomme ba botša batho ka moka gore ke a makatša.” Le gona Kaleb yo go boletšwego ka yena mathomong a kgaolo ye o re: “Ke be ke tšhaba gore motho yo mongwe o be a tla mpotšiša potšišo gomme ke palelwe ke go e araba.”
2. Amogela tlhohlo. Na ke taba ya gore dilo tšeo o di boifago ga di na moo di theilwego gona? Ga se gore go bjalo, go etša ge Ashley wa nywaga e 20 a gopola seo. O re: “Bana ba bangwe ba ile ba dira tše e kego ba kgahlegela ditumelo tša ka, eupša ka morago ba ntshwaya diphošo ka seo ke se boletšego le go nkwera gare ga batho.” Nicole wa nywaga e 17 o bile le phihlelo ye: “Mošemane yo mongwe o ile a bapiša temana ya ka Beibeleng ya gagwe le yeo e lego ka Beibeleng ya ka, gomme kagego ya mafoko e be e sa swane. O *
ile a re Beibele ya ka e fetošitšwe. Ke be ke gakanegile! Ke be ke sa tsebe gore ke reng.”Maemo a mohuta wo a ka bonagala a boifiša e le ruri! Eupša go e na le gore o tšhabe, amogela ditlhohlo tšeo ka mokgwa woo di lego ka wona, di amogele e le karolo ya bophelo bja gago o le Mokriste. (2 Timotheo 3:12) Matthew wa nywaga e 13 o re: “Jesu o itše balatedi ba gagwe ba tla hlomarwa, ka gona re ka se letele gore motho yo mongwe le yo mongwe a re rate ka baka la ditumelo tša rena.”—Johane 15:20.
3. Nagana ka mehola. Na go ka ba le mehola le ge e le efe go seo se ka bonagalago e le phihlelo e bohloko? Amber wa nywaga e 21 o nagana bjalo. O re: “Go thata go hlalosetša batho bao ba sa hlomphego Beibele tumelo ya gago, eupša seo se go thuša gore o kwešiše ditumelo tša gago gakaone.”—Baroma 12:2.
Lebelela gape tiragalo yeo o e hlalositšego go Mogato 1. Nagana bonyenyane ka dilo tše pedi tše di holago tšeo o ka di hwetšago boemong bjoo, ke moka o di ngwale ka mo tlase.
1 ․․․․․
2 ․․․․․
Itlhahlobe: Ke bjang go bolela ka tumelo ya gago go ka dirago gore kgateletšo ya dithaka yeo o lebeletšanego le yona e fokotšege? Go ba le sebete sa Diema 23:15.
go bolela go ka kgoma bjang go ikholofela ga gago? Go ka kgoma bjang tsela yeo o ikwago ka yona ka Jehofa le kamoo yena a ikwago ka gona ka wena?—4. Itokiše. Diema 15:28 e re: “Pelo ya moloki e a naganišiša gore e kgone go araba.” Go oketša go go naganišišeng ka seo o tlago go se bolela, leka go letela dipotšišo tšeo ba bangwe ba ka di botšišago. Dira nyakišišo ka ditaba tšeo, ke moka o rulaganye dikarabo tšeo o naganago gore o ka kgona go di nea.—Bona tšhate yeo e rego, “Rulaganya Kamoo o Tlago go Araba ka Gona” go letlakala 127.
5. Thoma poledišano. Gateetee ge o loketše go bolela ka ditumelo tša gago, o swanetše go thoma bjang? O na le dikgetho. Ka mantšu a mangwe, go bolela le ba bangwe ka tumelo ya gago go swana le go rutha: Batho ba bangwe ba tsena ka meetseng ka go nanya; mola ba bangwe ba fo itahlela. Ka mo go swanago, o ka thoma poledišano ka ditaba tšeo e sego tša bodumedi gomme ganyenyane-ganyenyane o bone kamoo motho a arabelago ka gona. Eupša ge e ba o ikhwetša o tshwenyega kudu mabapi le seo se ka tšwago tseleng, kgetho e kaonekaone e ka ba gore o ‘itahlele’ poledišanong. Luka 12:11, 12) Andrew wa nywaga e 17 o re: “Ka mehla go nagana ka go bolela le ba bangwe ka tumelo ya ka go be go le thata go feta go dira bjalo. Ge poledišano e thomile, go be go eba bonolo kudu go feta kamoo ke bego ke nagana gore go be go tla ba ka gona!” *
(6. Eba bohlale. Solomone o ngwadile gore: “Ka mehla batho ba bohlale ba a nagana pele ba dira dilo.” (Diema 13:16, Today’s English Version) Go fo swana le ge o ka se itahlele ka meetseng a sa išego, o hlokomele gore o se itahlele dingangišanong tše di sa rego selo. Gopola gore go na le nako ya go bolela le nako ya go homola. (Mmoledi 3:1, 7) Gaešita le Jesu ka dinako tše dingwe o ile a gana go araba dipotšišo.—Mateo 26:62, 63.
Ge e ba o kgetha go di araba, o ka dira bjalo ka boripana le ka bohlale. Ka mohlala, ge e ba yo o tsenago le yena ka klaseng a go kwera ka gore: ‘Ke ka baka la’ng o sa kgoge?’ o ka fo re: ‘Ke ka gobane ga ke nyake go šilafatša mmele wa ka!’ Go ithekgile ka gore motho yoo o arabela bjang, o ka phetha ka go tšwela pele o hlalosa ditumelo tša gago goba wa se dire bjalo.
Megato e tshelelago yeo e boletšwego kgaolong ye e ka go thuša gore ‘o lokele go emela’ tumelo ya gago. (1 Petro 3:15) Ke therešo gore go dula o itokišitše ga go bolele gore o ka se sa hlwa o ikwa o tšhogile. Eupša Alana wa nywaga e 18 o re: “Ge o hlalosa ditumelo tša gago go sa šetšwe gore o tšhogile, seo se dira gore o ikwe eka o fihleletše selo se itšego—o fentše go boifa ga gago gomme wa amogela taba ya gore dilo di ka fo se sepele gabotse. Le gona ge e ba di ka sepela gabotse, o tla ikwa o le kaone le go feta! O tla thaba ka ge o bile le sebete sa go bolela.”
KGAOLONG YA RENA YEO E LATELAGO
Na o gateletšegile sekolong? Ithute kamoo o ka lebeletšanago le seo ka gona.
[Mengwalo ya tlase]
^ ser. 10 Diphetolelo tša Beibele di diriša kagego ya mafoko e sa swanego. Lega go le bjalo, tše dingwe di fetoletše ka go nepagala kudu maleme a mathomong ao Beibele e bego e ngwadilwe ka ona.
^ ser. 18 Bona lepokisi leo le lego letlakaleng le le fetilego leo le rego, “Kamoo o ka Thomago Poledišano.”
LENGWALO LA BOHLOKWA
‘Ka mehla o dule o loketše go ikemela pele ga yo mongwe le yo mongwe yo a nyakago lebaka la kholofelo e lego go wena, eupša o dira bjalo ka moya o boleta le ka tlhompho e tseneletšego.’—1 Petro 3:15.
KELETŠO
Go e na le go botša bao o tsenago le bona ka klaseng seo ba swanetšego go se dumela goba seo ba sa swanelago go se dumela, bolela ka kgodišego seo wena o se dumelago gomme o bolele le lebaka leo o naganago gore diphetho tša gago di a kwagala.
NA O BE O TSEBA . . . ?
Ba bangwe ba bao o tsenago le bona ka klaseng ba ka go hlompha kudu ka ge o kgomaretše ditekanyetšo tša Beibele tša boitshwaro, eupša ba ka ikwa ba lewa ke dihlong kudu gore ba go botšiše ka ditumelo tša bodumedi bja gago.
KGATO YEO KE TLAGO GO E TŠEA!
Morutwana yo ke tsenago le yena ka klaseng yo nka boledišanago le yena ka ditumelo tša ka ke [bonyenyane ngwala leina la motho o tee] ․․․․․
Taba yeo ke naganago gore e tla kgahla motho yoo kudu ke ya gore ․․․․․
Seo ke tlago go botšiša motswadi wa ka goba batswadi ba ka ka taba ye ke gore ․․․․․
O NAGANA ENG?
● O nagana gore lebaka le legolo la gore bao o tsenago le bona sekolo ba kwere ditumelo tša gago tša bodumedi ke lefe?
● Ge e ba o dira phetho ya go bolela ka ditumelo tša gago, ke ka baka la’ng go le bohlokwa go di bolela ka kgodišego?
[Ntlhakgolo go letlakala 126]
“Ge ke be ke sa le yo monyenyane, ke be ke sa nyake go ba yo a fapanego baneng ba bangwe. Eupša ke ile ka thoma go lemoga kamoo tumelo ya ka e bego e tsenya letsogo go direng gore bophelo e be bjo bo kaone. Go lemoga seo go kaonefaditše go ikholofela ga ka—gwa dira gore ke ikgantšhe ka seo ke se dumelago.”—Jason
[Lepokisi go letlakala 124]
Kamoo o ka Thomago Poledišano
● “O rulagantše go dira’ng sehleng se?” [Ka morago ga karabo, bolela dilo tša moya tšeo o rulagantšego go di dira, tše bjalo ka go ya kopanong goba go katološa bodiredi bja gago.]
● Bolela ka selo seo se sa tšwago go direga ditabeng, ke moka o botšiše gore: “Na o kwele ka taba yeo? O nagana’ng ka yona?”
● “Na o nagana gore boemo bja lefase bja tša ditšhelete [goba bothata bjo bongwe] bo tla kaonefala? [Dumelela karabo.] Ke ka baka la’ng o nagana bjalo?”
● “Na o tsena kereke?”
● “O ipona o le kae ka morago ga nywaga e mehlano go tloga gona bjale?” [Ka morago ga karabo, bolela ka dipakane tša gago tša moya.]
[Tšhate go letlakala 127]
(Bakeng sa mongwalo o beakantšwego ka mokgwa wa kgatišo, bona kgatišo ka boyona)
Letlakala la Dipotšišo
Rulaganya Kamoo o Tlago go Araba ka Gona Dira kopi ya letlakala le!
Tšhišinyo: Ahlaahla tšhate ye le batswadi ba gago gotee le bafsa ba bangwe ba Bakriste. Tlatša tšhate ye. Ke moka bona ge e ba o ka nagana ka dipotšišo tše dingwe tšeo bao o tsenago le bona ka klaseng ba ka di botšišago, gomme o rulaganye dikarabo tšeo o tlago go kgona go di nea.
Potšišo Karabo Potšišo e Nngwe Karabo
Ke ka baka la’ng → Ke hlompha → Bjale o ra → Ee, e bile
o sa dumediše naga yeo gore o ka Dihlatse tša
Boemagare folaga? ke dulago go yona, se lwele naga Jehofa tše
Na ga o eupša ga ya geno? dimilione
rate naga ke e tšeo di lego
ya geno? rapele. dinageng tše dingwe
di ka se
lwe
le
naga ye.
Ke ka baka → Ke amogela → Eupša go → ․․․․․
la’ng o ditšhelo tše thwe’ng ge e le gore
ka se amogele tše di o tla hwa
ditšhelo tša bolokegilego ge e ba o sa
madi? tša diela tšhele madi?
tšeo di se nago Na Modimo a ka se
madi—tšeo di se nago go lebalele?
Madi dikotsi tša bolwetši bja AIDS
goba bja
sebete.
Le
gona
Beibele e re re
re ile madi,
ka gona ke
hlompha seo.
Semangmang → Re → Na seo → ․․․
ke setho sa rutwa ga se bontšhe gore go na
bodumedi dilo tšeo melao yeo e sa swanego?
bja lena, Modimo a di nyakago,
gomme o dirile eupša ga re
Dikgetho sa gore le gore. gapeletšwe go
Ke ka baka la’ng di dumela!
le wena o sa dire bjalo? Yo mongwe
le yo mongwe
o swanelwa ke go
itirela dikgetho.
Ke ka baka → Ke ka → ․․․․․ →․․․․
la’ng o sa baka la’ng ke swanetše go e dumela?
dumele go Gaešita le borathuta-mahlale
Tlholo tlhagelelo? ga ba dumelelane
ka taba ya tlhagelelo,
e bile ke bona
bao ba swanetšego
go tseba kudu
ka yona!
[Seswantšho go letlakala 125]
Go bolela ka tumelo ya gago le ba bangwe go swana le go rutha. O ka kgetha go tsena ka meetseng ka go nanya—goba wa fo itahlela!