“Setšhaba se tla tsogela setšhaba gomme mmušo wa tsogela mmušo; . . . Dilo tše ka moka ke mathomo a dihlabi tša tlalelo.”

Mateo 24:7, 8

“Go tla tsoga baporofeta ba bantši ba maaka ba timetša ba bantši, gomme ka baka la go oketšega ga go hloka molao, lerato la ba bantši le tla fola.”

Mateo 24:11, 12

“Ge le ekwa ka dintwa le dipego tša dintwa, le se ke la tšhoga; dilo tše di swanetše go direga, eupša ga se ya hlwa e eba bofelo.”

Mareka 13:7

“Go tla ba le ditšhišinyego tše dikgolo tša lefase, go be le leuba la malwetši le tlhaelelo ya dijo lefelong le lengwe ka morago ga le lengwe, le gona go tla bonagala dilo tše di boifišago le dipontšho tše dikgolo go tšwa legodimong.”

Luka 21:11

 “Mehleng ya bofelo go tla ba le dinako tše di hlobaetšago tšeo go lego thata go lebeletšana le tšona. Gobane batho e tla ba baithati, barati ba tšhelete, ba go ikgantšha, ba ikgogomošago, barogaki, ba go se kwe batswadi, ba go se leboge, ba go se botege, ba ba se nago lerato la tlhago, ba ba sa ikemišetšago go amogela tumelelano le ge e le efe, bathomeletši, ba se nago boitshwaro, ba bogale, ba go se rate go loka, baeki, ba hlogothata, ba tletšego boikgantšho, ba ratago maipshino go e na le go rata Modimo, bao ba bonagalago eka ke barapedi ba Modimo eupša ba latola matla a borapedi bjoo maphelong a bona.”

2 Timotheo 3:1-5