POTŠIŠO 6
Beibele e Boletše Eng e sa le Pele ka Mesia?
BOPOROFETA
“Wena Betlelehema Efurata, . . . go wena go tla tšwa yo e tlago go ba mmuši wa Isiraele.”
PHETHAGALO
“Eitše ge Jesu a belegwe Betlelehema ya Judea mehleng ya kgoši Heroda, balepi ba dinaledi ba tšwago ka Bohlabela ba tla Jerusalema.”
BOPOROFETA
“A abelana diaparo tša ka, a direla seaparo sa ka matengwa.”
PHETHAGALO
“Bjale ge bahlabani ba kokotetše Jesu koteng, ba tšea diaparo tša gagwe tša ka ntle ba di arola dikarolo tše nne . . . Eupša seaparo sa ka gare se be se se na moroko, se logilwe go tloga godimo go theoša le botelele bja sona. Ka gona ba botšana ba re: ‘A re se se gagoleng, eupša a re se direleng matengwa re bone gore e tla ba sa mang.’”
BOPOROFETA
“O šireletša marapo ka moka a yena yoo; ga go le letee la ona leo le robegilego.”
PHETHAGALO
“Ge ba etla go Jesu, ka go bona gore o be a šetše a hwile, ba se robe maoto a gagwe.”
BOPOROFETA
“O ile a hlabja ka baka la go tshela ga rena molao.”
PHETHAGALO
“Yo mongwe wa bahlabani a hlaba lehlakore la gagwe ka lerumo, gwa napa gwa tšwa madi le meetse.”
BOPOROFETA
“Ba ntefa ditsekana tše masometharo tša tšhelete ya silifera.”
PHETHAGALO
“Ke moka yo mongwe wa ba lesomepedi, yo a bitšwago Judase Isikariote, a ya go baperisita ba bagolo a re: ‘Le tla nnea eng gore ke le ekele Yena?’ Ba mmeela ditsekana tše masometharo tša silifera.”
