“Puku ye ya molao e se ke ya tloga molomong wa gago, o e bale ka lentšu la tlasana mosegare le bošego e le gore o ele hloko go sepela ka tšohle tšeo di ngwadilwego ka go yona; ke mo o tla atlegišago tsela ya gago ke moka wa dira ka bohlale.”

Joshua 1:8

“Ba bala puku ya molao wa Modimo wa therešo ka go hlaboša, ba e hlatholla gomme ba dira gore e kwagale, e le gore batho ba kwešiše seo se balwago.”

Nehemia 8:8

“Go thaba motho yo a sa kago a sepela ka keletšo ya ba kgopo . . . eupša o kgahlwa ke molao wa Jehofa, gomme o bala molao wa gagwe ka lentšu la tlasana mosegare le bošego. . . . Gomme se sengwe le se sengwe seo a se dirago se tla atlega.”

Psalme 1:1-3

“Filipi a kitima go bapa le yona, a mo kwa a bala puku ya moporofeta Jesaya ka go hlaboša gomme a re go yena: ‘Na ruri tše o di balago o a di kwešiša?’ Yena a re: ‘Ruri, nka kgona bjang go kwešiša ka ntle le gore motho yo mongwe a ntlhahle?’”

Ditiro 8:30, 31

 “Dika tša gagwe tše di sa bonagalego di bonwa gabotse go tloga tlholong ya lefase go ya pele, gobane di hlathwa ka dilo tšeo di dirilwego, ke gore matla a gagwe a neng le neng le Bomodimo bja gagwe, moo ba hlokago boitshwarelelo.”

Baroma 1:20

“Eleletša ka dilo tše; nwelela go tšona, gore tšwelopele ya gago e bonagale go batho bohle.”

1 Timotheo 4:15

“A re hlokomelaneng gore re hlohleletšaneng leratong le medirong e mebotse, re sa tlogele go bokana ga rena gotee.”

Baheberu 10:24, 25

“Ka gona ge e ba mang le mang wa lena a hloka bohlale, a a tšwele pele a kgopela Modimo, gobane o fa bohle kudu ka ntle le go goboša; o tla bo newa.”

Jakobo 1:5