“Ke tla tsoša bonaba magareng ga gago le mosadi le magareng ga peu ya gago le peu ya gagwe. E tla go pšhatla hlogo gomme wena wa e loma serethe.”

Genesi 3:15

“Ditšhaba ka moka tša lefase di tla šegofatšwa ka peu ya gago ka ge o kwele lentšu la ka.”

Genesi 22:18

“Mmušo wa gago a o tle. Thato ya gago a e direge le mo lefaseng bjalo ka ge e direga legodimong.”

Mateo 6:10

“Ge e le Modimo yo a neago khutšo yena, o tla pšhatlaganya Sathane tlase ga dinao tša lena kgauswinyane.”

Baroma 16:20

“Ge dilo tšohle di tla ba di beilwe ka tlase ga gagwe, ke moka Morwa le yena o tla ipea ka tlase ga Yo a beilego dilo tšohle ka tlase ga gagwe, gore Modimo e be tšohle go yo mongwe le yo mongwe.”

1 Bakorinthe 15:28

 “Bjale dikholofetšo di ile tša botšwa Aborahama le peu ya gagwe . . . , yeo e lego Kriste. Godimo ga moo, ge e ba le le ba Kriste ruri le peu ya Aborahama.”

Bagalatia 3:16, 29

“Mmušo wa lefase o fetogile mmušo wa Morena wa rena le wa Kriste wa gagwe, o tla buša e le kgoši go iša mehleng ya neng le neng.”

Kutollo 11:15

“Ka gona drakone e kgolo ya lahlwa, yona noga ya kgale yeo e bitšwago Diabolo le Sathane, yeo e timetšago lefase ka moka; ya lahlelwa lefaseng gomme barongwa ba yona ba lahlwa le yona.”

Kutollo 12:9

“A swara drakone noga ya kgale, yeo e lego Diabolo le Sathane, a e tlema ka nywaga e sekete (1 000).”

Kutollo 20:2