KA GE barapedi ba therešo ba dumela gore Jehofa ke yena Mothopo wa seetša sa moya, ba rapela ka phišego gore ‘seetša sa Modimo le therešo’ ya gagwe di ba hlahle. (Ps. 43:3) Ge lefase le le le leswiswing le legolo la moya, Modimo wa therešo o tšwela pele go hlabišetša batho ba gagwe seetša. Ka baka leo, tsela ya bona “e bjalo ka seetša se se phadimago ganyenyane-ganyenyane.” (Die. 4:18) Seetša se se tšwelago pele se phadima go tšwa go Jehofa se tšwela pele go bonega tsela ya bona mokgatlong, dithutong le boitshwarong. Tše dingwe tša ditumelo tša rena tšeo di ilego tša kaonefatšwa mengwageng ya morago bjale ke dife?