Ka morago ga 4026 B.C.E.

“Noga” e belaela tshwanelo ya Jehofa ya go buša le tsela ya gagwe ya go buša. Jehofa o holofetša go tsoša “peu” yeo mafelelong e tlago go pšhatlaganya noga, e lego Sathane. (Genesi 3:1-5, 15) Lega go le bjalo, Jehofa o file batho nako ya gore ba ipuše ka tlase ga tutuetšo ya noga.

1943 B.C.E.

Jehofa o botša Aborahama gore “peu” e holofeditšwego e tla ba se sengwe sa ditlogolo tša gagwe.—Genesi 22:18.

Ka morago ga 1070 B.C.E.

Jehofa o kgonthišetša Kgoši Dafida gomme ka morago a kgonthišetša morwa wa gagwe Solomone gore “peu” e holofeditšwego e be e tla tšwa lešikeng la gagwe.—2 Samuele 7:12, 16; 1 Dikgoši 9:3-5; Jesaya 9:6, 7.

29 C.E.

Jehofa o hlaola Jesu e le “peu” e holofeditšwego yeo e lego Mojabohwa wa sedulo sa bogoši sa Dafida.—Genesi 3:15; Ditiro 2:32-36; 1 Bakorinthe 15:21, 22.

 33 C.E.

Noga, e lego Sathane, ka nakwana e golofatša “peu” e holofeditšwego ka go dira gore Jesu a bolawe. Jehofa o tsošetša Jesu bophelong bja legodimong gomme o amogela mohola wa bophelo bja Jesu bjo bo phethagetšego, ka go re’alo ya ba motheo wa go lebalela dibe le go nea ditlogolwana tša Adama bophelo bjo bo sa felego.—Genesi 3:15; Ditiro 2:32-36; 1 Bakorinthe 15:21, 22.

Mo e ka bago ka 1914 C.E.

Jesu o lahlela noga, e lego Sathane, lefaseng, a e tswalelela moo ka lebakanyana.—Kutollo 12:7-9, 12.

Bokamoso

Jesu o golega Sathane ka nywaga e 1 000, ke moka ka morago a mo fediša, e lego seo se swantšhetšago go mo pšhatla hlogo. Morero wa Jehofa ka lefase le batho o a phethagala, leina la gagwe le tlošwa kgobošo gomme le tsela ya gagwe ya go buša e a godišwa.—Kutollo 20:1-3, 10; 21:3, 4.