Bakriste ba lekgolong la pele la mengwaga ba ile ba bolela ditaba tše dibotse tša Mmušo wa Modimo go fihla dinageng tša kgole. Jesu o ile a ba botša gore ba bolele ditaba tšeo kae, gomme ka mohlolo a ba nea bokgoni bja go bolela maleme a mangwe. Jehofa o ile a nea Bakriste bao sebete le matla a go kgotlelela ge batho ba be ba ba tshwenya.

Jesu o ile a bontšha moapostola Johane dipono tšeo di bontšhago gore Jehofa o na le matla. Ponong e nngwe, Johane o ile a bona Mmušo wa Modimo o fediša Sathane le mebušo ya gagwe. O ile a bona Jesu a buša e le Kgoši gomme a na le batho ba 144 000 bao ba tlago go buša le yena. Le gona Johane o ile a bona lefase ka moka le fetoga paradeise, gomme batho ka moka ba hlankela Jehofa ka khutšo e bile ba ratana.