Karolo ye e tlo re botša ka Josefa, Jobo, Moshe le Baisiraele. Sathane Diabolo o ile a ba hlakiša kudu ka moka ga bona. Ba bangwe ba bona ba ile ba swarwa gampe, ba golegwa, ya ba makgoba gaešita le go bolawa. Eupša Jehofa o ile a ba thuša ka ditsela tše di fapafapanego. Ge e ba o le motswadi, thuša ngwana wa gago go kwešiša gore gaešita le ge bahlanka bao ba Jehofa ba ile ba swarwa gampe, ga se ba ka ba tlogela go mo hlankela.

Jehofa o ile a diriša Dikotlo tše Lesome go bontšha gore o na le matla go feta medimo ka moka ya maaka ya Egipita. Bontšha ngwana wa gago kamoo Jehofa a ilego a šireletša batho ba gagwe ba nakong e fetilego le kamoo a dirago seo lehono.