Matseno a Karolo 5
Ka morago ga gore go fete dikgwedi tše pedi Baisiraele ba tshetše Lewatle le Lehwibidu, ba ile ba fihla Thabeng ya Sinai. Ge ba le moo, Jehofa o ile a dira kgwerano le bona gore e be setšhaba sa gagwe se se kgethegilego. O ile a ba šireletša le go ba nea dilo ka moka tšeo ba bego ba di hloka, e lego manna gore ba a je, diaparo tšeo di bego di sa hlagale le lefelo la go dula leo le šireletšegilego. Ge e ba o le motswadi, thuša ngwana wa gago go kwešiša gore ke ka baka la eng Jehofa a ile a nea Baisiraele Molao, taberenakele le baperisita. Mmontšhe bohlokwa bja go dira seo re se tshepišitšego, go dula re ikokobeditše le go dula re botegela Jehofa.
KAROLONG YE
THUTO 23
Baisiraele ba Tshepiša Jehofa Selo se Sengwe
Ge Baisiraele ba be ba le Thabeng ya Sinai, ba ile ba tshepiša Modimo selo se sa bohlokwa.
THUTO 24
Baisiraele ba Ile ba se Dire Seo ba se Tshepišitšego Jehofa
Ge Moshe a be a sa latile Melao e Lesome, Baisiraele ba ile ba šala ba dira sebe se segolo.
THUTO 25
Tente Yeo Baisiraele ba Bego ba Rapela Modimo go Yona
Ka gare ga tente yeo e kgethegilego go be go na le areka ya kgwerano.
THUTO 26
Dihlodi tše Lesomepedi
Joshua le Kalebe ba be ba sa swane le banna ba bangwe ba lesome bao ba bego ba ile le bona go yo hlola naga ya Kanana.
THUTO 27
Ba Ile ba Fetoga Marabele
Kora, Dathane, Abirama le batho ba bangwe ba 250 ba ile ba palelwa ke go lemoga taba ya bohlokwa ka Jehofa.