Nagana ka batheetši ba gago. Nagana gore ke ka baka la eng batheetši ba gago ba swanetše go kwa taba yeo o ba botšago yona, gomme o ipotšiše gore ke dintlha dife ka go lebanya tšeo di ka ba holago.

Polelong ya gago ka moka, hlalosetša batheetši seo ba swanetšego go se dira. Di tloga fase polelong ya gago, dira gore motheetši yo mongwe le yo mongwe a bone gore taba yeo o bolelago ka yona le yena e a mo kgoma. Ge o dutše o hlalosa ntlha e nngwe le nngwe, bontšha batheetši kamoo ba ka e dirišago ka gona bophelong. O se ke wa ba tlogela ba ipotšiša gore o nyaka go reng.