Ge o lokišetša, o se ke wa kga ka godimo. Ithute taba ya gago go fihlela o kwešiša kamoo o ka šomišago Mangwalo go thuša batheetši go e dumela. Hlalosa dintlha tše dikgolo tša polelo ya gago ka mantšu a sego kae a bonolo. Nagana kamoo dintlha tšeo di tlago go hola batheetši ba gago ka gona. Rapela Jehofa gore a go thuše ka moya wa gagwe o mokgethwa.

Diriša mantšu ao a bontšhago gore o kgodišegile ka taba ya gago. Go e na le go no šomiša mantšu ao a lego kgatišong, hlalosa taba ka mantšu a gago. Diriša mantšu ao a bontšhago gore o tloga o kgodišegile ka seo o se bolelago.

Bolela go tšwa pelong le ka kgodišego. Bolela ka lentšu le le kgwagalago. Ge e ba tikologong ya gabo lena go tlwaelegile go lebelela batho ka mahlong, dira bjalo.