THUTO 16
Taba e a Kgothatša le go Aga
Jobo 16:5
KA BORIPANA: Bolela kudu ka dilo tšeo di kgothatšago batheetši le tšeo di dirago gore ba ikwe ba na le kholofelo.
O KA DIRA SEO BJANG?
-
Eba le pono e botse ka batheetši ba gago. Ipotše gore bana beno le dikgaetšedi ba nyaka go kgahliša Jehofa. Le ge o swanetše go ba nea keletšo, thoma pele ka go ba reta go tšwa pelong ge e ba go kgonega.
-
O se ke wa bolela kudu ka dilo tše di sa kgahlišego. Bolela ka dilo tše di sa kgahlišego ge feela o nyaka go ruta batheetši taba e itšego ya bohlokwa. Ntle le moo, polelo ya gago ka moka e swanetše go kgothatša.
-
Diriša Lentšu la Modimo ka botlalo. Bolela kudu ka dilo tšeo Jehofa a re diretšego tšona, tšeo a re direlago tšona le tšeo a tlago go re direla tšona nakong e tlago. Thuša batheetši gore ba be le kholofelo le go hlankela Jehofa ka sebete.