Ithute taba ya gago ka mo go tseneletšego. Kwešiša taba ya gago gabotse gore o tle o kgone go e hlalosa ka tsela e kwagalago le ka mantšu a gago.

Diriša mafoko a makopana gore batheetši ba go kwe gabotse. Le ge e se phošo go diriša mafoko a matelele, diriša mafoko a makopana ge o ruta batheetši dintlha tše dikgolo.

Hlalosa mantšu ao batheetši ba sa a tlwaelago. Phema go šomiša mantšu le dipolelwana tšeo batheetši ba sa di tlwaelago. Ge e ba o gapeletšega go šomiša lentšu leo le sa tlwaelegago, o gapeletšega go bolela ka motho yo a sa tsebegego wa ka Beibeleng, goba dikelo tša bogologolo goba motlwae o itšego—hlalosa dilo tšeo.