Dira gore batheetši ba itlhahlobe. Ge o ruta, fela o botšiša batheetši dipotšišo tšeo ba swanetšego go ikaraba tšona ka pelong go ba thuša go itlhahloba.

Dula o gopola gore batheetši ba gago ba nyaka go dira dilo tše dibotse. Dira gore batheetši ba ipotšiše gore ke ka baka la eng ba dira dilo tše dibotse. Ba thuše go ba le mabaka a kwagalago a go dira dilo tše dibotse, e lego go rata Jehofa, batho ba bangwe le seo Beibele e se rutago. O se ke wa no botša batheetši seo ba swanetšego go se dira, eupša ba botše le mabaka a gore ke ka baka la eng ba swanetše go dira selo seo. Dira gore ka morago ga polelo ya gago batheetši ba ikwe ba matlafetše e bile ba nyaka go ntšha ka ga tšhwene, go e na le gore ba šale ba ikwa ba le molato goba ba nyatšega.

Dira gore batheetši ba nagane ka Jehofa. Thuša batheetši go bona kamoo seo Beibele e se rutago, melao ya yona ya motheo le ditaelo tša yona di bontšhago gore Modimo o a re rata le gore o na le dika tše dibotse. Ba thuše gore ka mehla ge ba dira dilo ba ipotšiše gore Jehofa o ikwa bjang ka seo ba se dirago gomme ba lwele go mo thabiša.