Pele o lokišetša, rapela gomme o lokišetše gabotse. Rapela Jehofa gore a go thuše go dula o naganne ka seo o tla bego o se ruta batheetši, e sego wena. Tseba dintlha tše dikgolo tšeo o nyakago batheetši ba gago ba di tseba. Bolela dintlha tšeo ka mantšu a gago; o se ke wa balela batheetši polelo ya gago goba seo o ba rutago sona.

Bolela go tšwa pelong. Ipotšiše gore ke ka baka la eng batheetši ba swanetše go tseba taba yeo o ba rutago yona. Dula o nagana ka bona. Ge o ka dira bjalo, tsela yeo o emago ka yona, boitšhišinyo bja gago bja mmele le sefahlego sa gago di tla ba bontšha gore o tshwenyegile ka bona le gore o a ba rata.

Lebelela batheetši. Lebelela batheetši ba gago ge e ba tikologong ya gabo lena e se phošo go dira bjalo. Ge o nea polelo, o se ke wa no lebelela batheetši e le sehlopha goba wa no ba gaša mahlo, eupša lebelela motheetši yo mongwe le yo mongwe ka mahlong.