Dira gore mantšu a gago a go phetha a sepedišane le polelo ya gago. Ge o phetha polelo, boeletša dintlha tše dikgolo le sehlogo sa polelo, goba o di hlalose ka mantšu a gago.

Dira gore batheetši ba gate mogato. Botša batheetši seo ba swanetšego go se dira, o ba botše le mabaka a kwagalago a go dira selo seo. Bolela ka kgodišego le ka go tšwa pelong.

Dira gore mantšu a gago a go phetha e be a makopana e bile a kwagale. O se ke wa phetha ka dintlha tšeo o sego wa bolela ka tšona polelong ya gago. Phetha ka mantšu a sego kae a bohlokwa go thuša batheetši gore ba diriše seo o ba rutilego sona.