Lokišetša gabotse. Ipotšiše gore ke ka baka la eng seo o tlago go se bala se ngwadilwe. Itlwaetše go bala dikgopolo lefokong, e sego lentšu ka lentšu. Phema go tsenya mantšu ao a sego gona, go tshela mantšu goba go a fetoša. Latela maswao-dikga a bjalo ka fegelwana, khutlo, leswao la potšišo le a mangwe.

Bitša lentšu le lengwe le le lengwe gabotse. Ge e ba o sa tsebe kamoo lentšu le itšego ka kgatišong yeo o tlago go e bala le bitšwago ka gona, le theetše gore le bitšwa bjang ka kgatišong yeo e rekhotilwego, le lebelele ka gare ga pukuntšu (dictionary) goba o kgopele motho yo a kgonago go bala gore a go thuše.

Bolela ka tsela e kwagalago. Bitša mantšu gabotse, o tsoše hlogo gomme o bule molomo. Lwela go bitša senoko se sengwe le se sengwe lentšung.