Lenaneo la 2017 la Kopano ya Selete
Hlahloba lenaneo la letšatši le lengwe le le lengwe la kopano ye, leo le tlago go go thuša go dula o dira se se nepagetšego le go kgotlelela mathata.
Labohlano
Ke eng seo se ka re thušago go hlagolela dika tšeo di tlago go re thuša go kgotlelela mathata?
Mokibelo
Modimo Ramatlaohle o re homotša bjang le go re thuša go kgotlelela mathata?
Sontaga
Jesu o itše: “Yo a kgotleletšego go fihla bofelong ke yena a tlago go phološwa.” O ka dira eng gore o kgone go phela ka go dumelelana le mantšu a?
Tsebišo go Bao ba Tlilego Kopanong
Mohlomongwe o ka thabela go tla dibokeng tše di kgethegilego tšeo di tlago go swarwa kopanong ye. Le gona, lebelela mo ge e ba o nyaka go tseba ditaba tše dingwe tša mabapi le bahlokomedi, kolobetšo, go ntšha moneelo, thušo ya pele, moo o ka hwetšago dilo tšeo o di timeditšego, madulo goba lefapha la tirelo ya boithaopo.
