KGAOLO 16
Ganetša Diabolo
‘Ganetša Diabolo, yena o tla go tšhaba.’ —JAKOBO 4:7.
1, 2. Ke’ng seo re swanetšego go se kwešiša ka Sathane le batemona?
BOPHELO lefaseng le lefsa la Paradeise bo tlo kgahliša kudu. Re tlo phela ka tsela yeo Modimo a bego a dutše a nyaka gore re phele ka yona go tloga mathomong. Eupša gona bjale re phela lefaseng leo le laolwago ke Sathane le batemona ba gagwe. (2 Bakorinthe 4:4) Le ge re sa kgone go ba bona, ba gona e bile ba na le matla a magolo.
2 Kgaolong ye, re tlo ithuta kamoo re ka dulago re le kgauswi le Jehofa le go itšhireletša go Sathane. Jehofa o tshepiša gore o tla re thuša. Eupša sa pele re swanetše go kwešiša mekgwa yeo Sathane le batemona ba gagwe ba e šomišago go re tanya le go re hlasela.
SATHANE O “SWANA LE TAU E RORAGO”
3. Ke’ng seo Sathane a nyakago go se dira bahlanka ba Jehofa?
3 Sathane o re re hlankela Jehofa ka gobane a re hlokomela, e bile o re re tlo tlogela go hlankela Jehofa ge re ka welwa ke mathata. (Bala Jobo 2:4, 5.) Ge Sathane le batemona ba bona gore motho o nyaka go ithuta ka Jehofa ba leka go mo thibela. Ba galefa kudu ge motho a ineela go Jehofa gomme a kolobetšwa. Beibele e re Diabolo o swana le “tau e rorago, [o] nyaka yo a kago go mo metša.” (1 Petro 5:8) Sathane o nyaka go senya segwera sa rena le Jehofa.—Psalme 7:1, 2; 2 Timotheo 3:12.
Sathane o a galefa ge re ineela go Jehofa
4, 5. (a) Ke’ng seo Sathane a sa kgonego go se dira? (b) Re swanetše go dira’ng gore re “ganetše Diabolo”?
masetlapelo a magolo.’ (Kutollo 7:9, 14) Ga go na seo Sathane a ka se dirago go thibela lešaba leo le legolo gore le tle le phologe ‘masetlapelo a magolo, ka gobane Jehofa o a re šireletša.
4 Ga se ra swanela go tšhaba Sathane le batemona ba gagwe. Jehofa a ka se ba dumelele gore ba re tlaiše go feta kamoo re ka kgonago go kgotlelela. Jehofa o tshepiša gore “lešaba le legolo” la Bakriste ba therešo le tlo phologa ‘5 Ge re ka dula re le kgauswi le Jehofa, Sathane a ka se 2 Dikoronika 15:2; bala 1 Bakorinthe 10:13.) Banna le basadi ba bogologolo bao ba bego ba botegela Jehofa, ba bjalo ka Abele, Henoge, Noa, Sara, le Moshe, ba ile ba ganetša Diabolo ka go dula ba le kgauswi le Jehofa. (Baheberu 11:4-40) Le rena re ka dira se se swanago. Lentšu la Modimo le re: “[Ganetšang] Diabolo, yena o tla le tšhaba.”—Jakobo 4:7.
kgone go senya segwera sa rena le Jehofa. Lentšu la Modimo le re kgonthišetša seo ge le re: “Jehofa o na le lena ge feela le ka ba le yena.” (‘RE A LWA’
6. Sathane o re hlasela bjang?
6 Le ge Sathane a tseba gore Jehofa a ka se mo dumelele gore a re tlaišetše sa ruri, o leka ka thata go senya segwera sa rena le Jehofa. Lehono, Sathane o re hlasela ka ditsela tše di fapafapanego, e bile o šomiša mekgwa yeo a bego a dutše a e šomiša go tloga kgale. E mengwe ya mekgwa yeo ke efe?
7. Ke ka baka la’ng Sathane a hlasela batho ba Jehofa?
7 Moapostola Johane o ngwadile gore: “Lefase ka moka le rapaletše matleng a yo kgopo.” (1 Johane 5:19) Sathane o laola batho ba babe lefaseng le, e bile o nyaka go laola le batho ba Jehofa. (Mika 4:1; Johane 15:19; Kutollo 12:12, 17) Ka ge Sathane a tseba gore o šaletšwe ke nako e kopana, o lwa o šoro le yo mongwe le yo mongwe wa rena gore re hlanogele Jehofa. Ka dinako tše dingwe tlhaselo ya gagwe e a bonagala, mola ka dinako tše dingwe a šomiša mekgwa yeo e sa bonagalego gabonolo.
8. Ke’ng seo Mokriste yo mongwe le yo mongwe a swanetšego go se lemoga?
8 Baefeso 6:12 e re: “Re lwa . . . le madira a kgopo a moya legodimong.” Mokriste yo mongwe le yo mongwe o lwa le Sathane le batemona. Re swanetše go lemoga gore batho ka moka bao ba ineelago go Jehofa, ba ntweng ye. Lengwalong leo a le ngwaletšego Baefeso, moapostola Paulo o kgothaleditše Bakriste ka makga a mararo gore ba ‘eme ba tiile.’—Baefeso 6:11, 13, 14.
9. Ke’ng seo Sathane le batemona ba gagwe ba lekago go re dira sona?
9 Sathane le batemona ba gagwe ba leka ka ditsela tše dintši gore ba re fore. Ge Sathane a ka re leka gomme ra mo fenya, seo ga se bolele gore re tla dula re mo fenya. Sathane o dula a nyaka go tseba mo re fokolago gona gore a kgone go re tanya ka mafokodi ao. Eupša re ka mo fenya ka gobane Beibele e re botša dilo tšeo a lekago go re tanya ka tšona. (2 Bakorinthe 2:11, bala Tlhaloso 31.) E nngwe ya dilo tšeo a di šomišago ke botemona.
BAPALELA KGOLE LE BATEMONA
10. (a) Botemona bo akaretša’ng? (b) Jehofa o ikwa bjang ka botemona?
10 Botemona bo akaretša dilo tše di nago le boloi tšeo di dirago gore motho a šomišane le batemona, e lego dilo tša go swana le go bolela e sa le pele ka ditiragalo tše itšego, go loya goba go leka go boledišana le bahu. Beibele e re botemona bo ‘šišimiša’ Jehofa e bile e re bao ba mo rapelago ba se ke ba dira dilo tšeo di sepedišanago le bjona. (Doiteronomio 18:10-12; Kutollo 21:8) Bakriste ba swanetše go phema mehuta ka moka ya botemona.—Baroma 12:9.
11. Go tlo direga ‘ng ka rena mafelelong ge e ba re kgahlwa ke dilo tše di nago le boloi?
11 Sathane o a tseba gore ge e ba re kgahlwa ke dilo tšeo di nago le boloi, go tla ba bonolo gore a re gogele dilong tša botemona. Selo le ge e le sefe sa botemona se tla dira gore Jehofa a se sa re amogela.
SATHANE O NYAKA GO RE RADIA
12. Sathane o nyaka gore re feleletše re nagana’ng?
12 Sathane o leka go fora batho. Ganyenyane-ganyenyane o dira gore ba be le dipelaelo, go fihlela ba nagana gore “botse ke bobe gomme ba re bobe ke botse.” (Jesaya 5:20) Diabolo o dira gore batho ba dumele gore Beibele ga e na mohola le gore re tla thaba kudu ge re sa phele ka melao ya Modimo.
13. Sathane o ile a leka bjang go dira gore Efa, Jobo le Jesu ba be le dipelaelo?
13 Sathane o kgona go fora batho ba bantši kudu ka go leka go dira gore ba be le dipelaelo. Ke kgale kudu a diriša mokgwa wo. Ka mohlala, kua tšhemong ya Edene, o ile a dira gore Efa a be le dipelaelo ka go mmotšiša gore: “A ke therešo gore Modimo o itše le se ke la ja tše di tšwago sehlareng se sengwe le se sengwe sa mo serapeng?” (Genesi 3:1) Ka morago, mehleng ya Jobo, Sathane o ile a botšiša Jehofa pele ga barongwa gore: “Na o re ge Jobo a boifa Modimo o mmoifela lefeela?” (Jobo 1:9) Ka morago ga gore Jesu a kolobetšwe, Sathane o ile a mo leka a re: “Ge e ba o le morwa wa Modimo, gona botša maswika a gore e be dinkgwa.”—Mateo 4:3.
14. Sathane a ka dira’ng gore batho ba se tshepe gore botemona bo kotsi?
14 Lehono, Sathane o sa dutše a dira gore batho ba be le dipelaelo. O dira gore ba ipotšiše ge e ba ka nnete botemona bo le kotsi. O dira seo ka go dira gore mehuta e mengwe ya bjona e bonagale e se na bothata. Ka maswabi, Sathane o kgonne go dira gore Bakriste ba bangwe ba se bone gore botemona bo kotsi. (2 Bakorinthe 11:3) Ka gona rena re ka dira’ng gore a se re tanye? Re ka dira’ng gore a se re fore? A re boleleng ka dilo tše pedi tšeo Sathane a ka di dirišago go re tanya. Sa pele, a ka re tanya ka dilo tšeo re ithabišago ka tšona. Sa bobedi, a ka re tanya ditabeng tša kalafo.
SATHANE O RE TANYA KA GO DIRIŠA DIKGANYOGO TŠA RENA
15. Re ka dirišana bjang le batemona ka dilo tšeo re ithabišago ka tšona re sa lemoge?
15 Lehono, dimubi tše dintši, dibidio, mananeo a TV, dipapadi tša khomphutha le Inthanete di tletše ka botemona, maleatlana le boloi. Batho ba bantši bao ba bogelago dilo tše ba bona di se kotsi, e bile ga ba lemoge gore ba ipiletša batemona ba le kgole. Le gona motho a ka dirišana le batemona ka dilo tša go swana le go bala, go theetša goba go bogela dilo tšeo di bolelago e sa le pele ka ditiragalo tše itšego go dirišwa thuto ya dinaledi, go bala methaladi ya ka gare ga seatla sa motho le go diriša di-tarot card le di-crystal ball. Sathane o dira gore batho ba se bone dikotsi tša dilo tše ka go dira gore di bonagale e le dilo tšeo di makatšago, tšeo di kgahlišago le tšeo di thabišago. Le gona, ba bangwe ba ka nagana gore go bogela dilo tše di nago le boloi ga go kotsi ge feela ba sa di dire. Ke ka baka la’ng go nagana bjalo go le kotsi?—1 Bakorinthe 10:12.
16. Ke ka baka la’ng re swanetše go gana boithabišo bja dilo tšeo di nago le boloi?
16 Sathane le batemona ga ba kgone go bona dilo tšeo re di naganago. Eupša ba ka kgona go tseba dilo tšeo re di ratago le tšeo re ka bago re di nagana ka go no lebelela dilo tšeo rena le malapa a rena re di dirago, go akaretša le dilo tšeo re ithabišago ka tšona. Ge re ka kgetha dimubi, mmino goba dipuku tšeo di bolelago ka boloi, maleatlana, batho bao ba nago le batemona, baloi, di-vampire Bagalatia 6:7.
goba dilo tša go swana le tšeo, Sathane le batemona ba gagwe ba tla bona gore re a ba rata. Ka gona, ba ka leka go dira gore re rate botemona kudu.—Bala17. Sathane a ka re tanya bjang ge re lwala?
17 Ka ge Sathane a tseba gore ge re lwala re nyaka go fola, a ka re tanya le mo tabeng ye. Batho ba bantši lehono ba a lwala. Motho a ka ba a ile a ya dipetleleng tše dintši le dingakeng tša go fapafapana, eupša a se fole. (Mareka 5:25, 26) A ka ba tlalelong go fihla bokgoleng bja gore a nyake le go ya dingakeng tša ditaola goba a nyake kalafo yeo e sepedišanago le botemona. Eupša ka ge rena re le Bakriste, re swanetše go itlhokomela gore re se kgethe kalafo yeo e sepedišanago le “maleatlana.”—Jesaya 1:13.
Ge o lwala, ithekge ka Jehofa
18. Ke mehuta efe ya kalafo yeo Mokriste a sa swanelago go e amogela?
18 Mehleng ya Baisiraele, ba bangwe ba be ba šomiša “maleatlana.” Jehofa o ile a re go bona: “Ge le emiša matsogo a lena, ke le utela sefahlego. Gaešita le ge le ka atiša dithapelo, ga ke di theetše.” (Jesaya 1:15) Nagana feela—Jehofa o be a ka se theetše dithapelo tša bona! Le rena ga re nyake go dira selo le ge e le sefe seo se ka senyago segwera sa rena le Jehofa gomme a se sa re thuša, kudukudu ge re lwala. (Psalme 41:3) Ka gona pele re amogela kalafo le ge e le efe, re swanetše go kgonthišetša gore ga e sepedišane le botemona goba boloi. (Mateo 6:13) Ge go bonagala eka kalafo yeo e sepedišana le dilo tšeo, ga se ra swanela go e amogela!—Bala Tlhaloso 32.
DIKANEGELO TŠA MABAPI LE BATEMONA
19. Ke’ng seo se dirago gore batho ba bantši ba boife Sathane?
19 Le ge batho ba bangwe ba nagana gore Sathane le batemona ba gagwe ga ba gona e le ka kgonthe, ba bangwe ba a tseba gore ba gona ka baka la seo se ba diragaletšego bophelong. Batho ba bantši ba boifa batemona ka mo go feteletšego, ka baka leo ba fetogile makgoba a bona. Le gona re swanetše go ba šedi kudu mabapi le dilo tše dintši tšeo batho ba di tlwaetšego, tšeo go thwego di tliša mahlatse goba madimabe. Ge e le gabotse Jehofa ga a amogele dilo tšeo. Ba bangwe ba dira gore batho ba boife batemona ka go ba anegela dilo tša go tšhoša tšeo batemona ba di dirago batho ba bangwe. Gantši batho ba kgahlwa ke dilo tše bjalo e bile ba rata go di botša ba bangwe. Ditori tšeo gantši di dira gore batho ba boife Sathane.
20. Re ka thuša Sathane bjang go phatlalatša maaka a gagwe re sa lemoge?
2 Bathesalonika 2:9, 10) Ke Ramaaka yo a kgonago go fora batho bao ba kgahlwago ke botemona gomme a dira gore ba kgolwe dilo tšeo ge e le gabotse e sego nnete. Batho bao ba ka anegela ba bangwe dilo tšeo ba rego ba di bone goba ba di kwele. Ge ba boeletša ditaba tšeo gantšintši, ba feleletša ba feteletša dilo. Rena ga re nyake go thuša Sathane go phatlalatša maaka a gagwe ka go anegela ba bangwe dilo tše bjalo.—Johane 8:44; 2 Timotheo 2:16.
20 Dula o gopola taba ye: Sathane o nyaka gore batho ba mo tšhabe. (21. Go e na le go anegela batho ditori tša mabapi le batemona, re ka ba botša’ng?
21 Ge e ba motho yo ga bjale e lego Hlatse ya Jehofa a kile ya dirišana le batemona, a ka se leke go kgahliša ba bangwe ka go ba anegela ditaba tšeo. Batho ba Jehofa ga se ba swanela go boifa selo le ge e le sefe seo Sathane le batemona ba gagwe ba ka se dirago. Go e na le moo, re swanetše go nagana ka Jesu le go ithekga ka matla ao Jehofa a mo neilego wona. (Baheberu 12:2) Jesu ga se a ka a tloša barutiwa ba gagwe bodutu ka go ba anegela ditori tša mabapi le batemona. O ile a dula a ruta batho ka Mmušo wa Modimo le ka “matete a Modimo.”—Ditiro 2:11; Luka 8:1; Baroma 1:11, 12.
22. O ikemišeditše go dira’ng?
22 Le ka mohla re se ke ra lebala gore morero wa Sathane ke go senya segwera sa rena le Jehofa. Le gona Sathane o tlo dira selo le ge e le sefe gore a atlege. Eupša re tseba mekgwa ya gagwe, e bile re ikemišeditše go phema mehuta ka moka ya botemona. Re ka se “[nee] Diabolo sebaka” sa gore a re fenye. (Bala Baefeso 4:27.) Ge re ka lwa le Sathane, a ka se re tanye gomme Jehofa o tla dula a re amogela.—Baefeso 6:11.