Mehlala ya batho ba ka Beibeleng yeo e ka go thušago:

• Le 22:​17-22—Jehofa o be a nyaka gore dihlabelo di dirwe ka diphoofolo tšeo di “phetšego gabotse.” Polelwana yeo e rego “phetšego gabotse” e sepedišana le lentšu la Seheberu leo le fetoletšwego e le “go botega,” leo le bontšhago gore re swanetše go hlankela Jehofa ka pelo ka moka le ka go botega

• Job 1:​1, 4, 5, 8; 2:3—Tsela yeo Jobo a phetšego ka yona e bontšha gore e le gore motho a kgone go botegela Jehofa, o swanetše go mo hlompha kudu a be a mo hlankele ka pelo ka moka gomme a pheme go dira dilo tše mpe

 Mehlala ya batho ba ka Beibeleng yeo e ka go thušago:

• Job 31:​1-11, 16-33—Jobo o bontšha gore o dula a botegela Jehofa ka go itshwara gabotse le go swara batho ba bangwe ka botho le ka seriti. O dula a hlankela Jehofa e sego medingwana, e bile go hlankela Jehofa go bohlokwa go yena go feta mahumo a gagwe

• Dan 1:​6-21—Le ge Daniele le bagwera ba gagwe ba be ba dula le batho ba go se hlankele Jehofa, ba ile ba dula ba botegela Jehofa le go kwa molao wa gagwe mabapi le dijo tšeo ba bego ba swanetše go di ja