Keletšo
Ge motho yo mongwe a re eletša
Ke ka baka la eng re swanetše go nyaka keletšo yeo e theilwego Beibeleng?
Ke ka baka la eng go le kaone go theetša keletšo go e na le go ikemelela?
Bona le Die 1:23-31; 15:31
-
Mehlala ya batho ba ka Beibeleng yeo e ka go thušago:
-
1Sa 15:3, 9-23—Kgoši Saulo o a ikemelela ge moporofeta Samuele a mo phošolla e bile ga a kwe keletšo, gomme ka morago Jehofa ga a sa mo amogela
-
2Kr 25:14-16, 27—Kgoši Amatsia o dira sebe ke moka a gana go kwa keletšo ya moporofeta wa Jehofa gomme Jehofa a se sa mo amogela le go mo šireletša
-
Ke ka ba baka la eng re swanetše go kwa keletšo yeo balebeledi ba rena ba re fago yona?
1Th 5:12; 1Ti 5:17; Heb 13:7, 17
-
Mehlala ya batho ba ka Beibeleng yeo e ka go thušago:
-
3Jo 9, 10—Moapostola Johane yoo a tšofetšego o kgalemela Dioterefe yoo a nyatšago bao ba etelelago pele ka phuthegong ya Bokriste
-
Ke ka ba baka la eng re swanetše go theetša batho ba bagolo?
Bona le Job 12:12; 32:7; Tit 2:3-5
-
Mehlala ya batho ba ka Beibeleng yeo e ka go thušago:
-
1Sa 23:16-18—Kgoši Dafida o theetša keletšo ya Jonathane yoo a mo fetago ka mengwaga e ka bago e 30 gomme keletšo yeo e a mo matlafatša
-
1Dik 12:1-17—Kgoši Rehoboama o gana keletšo e botse ya banna ba bagolo gomme o theetša keletšo e mpe ya dithaka tša gagwe yeo e ilego ya baka mathata
-
Ke eng seo se bontšhago gore basadi bao ba botegago le bahlanka ba Jehofa bao e sa lego ba baswa ba ka kgona go re fa keletšo e botse?
Job 32:6, 9, 10; Die 31:1, 10, 26; Mmo 4:13
Bona le Ps 119:100
-
Mehlala ya batho ba ka Beibeleng yeo e ka go thušago:
-
1Sa 25:14-35—Abigaile o fa Kgoši Dafida keletšo yeo e dirago gore batho ba bantšhi ba se ke ba bolawa le go mo šireletša gore a se ke a ba le molato wa madi
-
2Sa 20:15-22—Keletšo ya mosadi yo bohlale yo a dulago motseng wa Abele e dira gore badudi ba moo ba phologe
-
2Dik 5:1-14—Ngwanenyana wa Moisiraele o šišinya seo se ka dirago gore lešole le matla le fole lephera
-
Ke ka baka la eng re sa swanela go theetša keletšo ya batho bao ba sa hlomphego Jehofa goba Lentšu la gagwe?
Bona le Lu 6:39
-
Mehlala ya batho ba ka Beibeleng yeo e ka go thušago:
-
1Kr 10:13, 14—Kgoši Saulo o ya go motho yo a dirišanago le meoya e mebe go e na le go kgopela tlhahlo go Jehofa gomme o a hwa ka baka la go se kwe Jehofa
-
2Kr 22:2-5, 9—Kgoši Ahasia o kgetha go kwa keletšo ya batho ba babe gomme o feleletša a hwile
-
Job 21:7, 14-16—Jobo o gana go nagana go swana le batho bao ba sa hlomphego Jehofa
-
Ge re eletša ba bangwe
Ke ka baka la eng go le bohlokwa gore pele re nea keletšo re theetše le go kwešiša mahlakore ka moka a taba?
Bona le Die 25:8
-
Mehlala ya batho ba ka Beibeleng yeo e ka go thušago:
-
1Sa 1:9-16—Ka ge Moperisita yo a Phagamego Eli a nagana gore Hanna yo a botegago o tagilwe, o mo nea keletšo e bohloko pele ga ge a ka kwa ditaba ka botlalo
-
Mat 16:21-23—Ka ge moapostola Petro a sa tsebe ditaba ka botlalo, o botša Jesu gore a dire selo seo se kgahlago Sathane e sego Jehofa
-
Ke ka baka la eng re swanetše go rapela Jehofa pele re nea ba bangwe keletšo?
Ps 32:8; 73:23, 24; Die 3:5, 6
-
Mehlala ya batho ba ka Beibeleng yeo e ka go thušago:
-
Ek 3:13-18—Moporofeta Moshe o botšiša Jehofa gore a arabe bjang Baisiraele bao ba ka mmotšišago dipotšišo
-
1Dik 3:5-12—Kgoši Solomone o kgopela Jehofa gore a mo fe bohlale go e na le go ithekga ka bohlale bja gagwe, gomme Jehofa o a mo šegofatša
-
Ke ka baka la eng dikeletšo le dikarabo tša rena di swanetše go thewa Beibeleng?
Ps 119:24, 105; Die 19:21; 2Ti 3:16, 17
Bona le Doi 17:18-20
-
Mehlala ya batho ba ka Beibeleng yeo e ka go thušago:
-
Mat 4:1-11 Nakong ya ge Jesu a lekwa ke Sathane, o mo araba ka Lentšu la Modimo e sego ka bohlale bja gagwe
-
Joh 12:49, 50—Jesu o hlalosa gore dilo tšeo a di rutago di tšwa go Tatagwe, ka gona le rena re swanetše go mo ekiša
-
Ke ka baka la eng re swanetše go leka ka thata go ba boleta ge re eletša ba bangwe, le go leka go lebelela selo se sebotse seo re ka ba retago ka sona?
Bona le Jes 9:6; 42:1-3; Mat 11:28, 29
-
Mehlala ya batho ba ka Beibeleng yeo e ka go thušago:
-
2Kr 19:2, 3—Jehofa o diriša moporofeta go phošolla Kgoši Jehoshafate, ke moka a mo reta ka baka la dilo tše dibotse tšeo a di dirilego
-
Kut 2:1-4, 8, 9, 12-14, 18-20—Jesu o reta diphuthego pele a ka di eletša
-
Ge Mokriste yo mongwe a re botša gore Mokristegotee le yena o mo fošeditše, e ka ba ka go mo radia goba go mo senya leina, ke ka baka la eng re swanetše go mo kgothaletša gore a thome pele ka go bolela le Mokriste yoo e le ba babedi feela?
Bona le Le 19:17
Re ka kgothaletša bjang Mokriste yo a bonago a se a swarwa gabotse gore e be yo a gaugelago, a se fele pelo e bile a lebalele?
Mat 18:21, 22; Mar 11:25; Lu 6:36; Ef 4:32; Kol 3:13
Bona le Mat 6:14; 1Ko 6:1-8; 1Pe 3:8, 9
-
Mehlala ya batho ba ka Beibeleng yeo e ka go thušago:
-
Mat 18:23-35—Jesu o nea papišo e bohlokwa yeo e bontšhago gore ke ka baka la eng re swanetše go lebalela ba bangwe
-
Ke ka baka la eng re swanetše go diriša melao ya Modimo ge re eletša ba bangwe?
Ps 141:5; Die 17:10; 2Ko 7:8-11
-
Mehlala ya batho ba ka Beibeleng yeo e ka go thušago:
-
1Sa 15:23-29—Moporofeta Samuele ga a tšhabe go nea Kgoši Saulo keletšo
-
1Dik 22:19-28—Le ge moporofeta Mikaya a tšhošetšwa e bile a swarwa gasehlogo, ga a fetoše molaetša woo a o tlišitšego wa go lemoša Kgoši Ahaba
-
Re ka eletša bjang motho yo mongwe eupša re sa dire gore segwera sa gagwe le Jehofa se be kotsing?
-
Mehlala ya batho ba ka Beibeleng yeo e ka go thušago:
-
Lu 22:31-34—Le ge moapostola Petro a dira diphošo, Jesu o bontšha gore o a tshepa gore Petro o tla di lokiša gomme a tšwela pela a hlankela Jehofa le go thuša batho ba bangwe
-
Flm 21—Moapostola Paulo o bontšha gore o a tshepa gore Filemone o tla diriša keletšo yeo e dumelelanago le thato ya Modimo
-
Re ka bontšha bjang botho ge re eletša bao ba nago le mathata goba bao ba nyamilego?
Re ka bontšha bjang motho yoo a dirilego sebe gore re nyaka go mo thuša gore a boele a be le segwera se sebotse le Modimo?
Re ka bontšha bjang motho yoo re mo eletšago gore re a mo hlompha, go sa šetšwe bong bja gagwe goba gore ke yo mo kaakang?
Ge motho yo mongwe a dulela go gana go kwa keletšo yeo e tšwago ka Beibeleng, ke ka baka la eng bagolo ba swanetše go mo kgalema ka matla?
You May Also Like
EKIŠA TUMELO YA BONA
Abigaile o Dirile ka Bohlale
Re ka ithuta’ng boemong bjo thata bjo Abigaile a ilego a lebeletšana le bjona lenyalong?
ITHUTE KA DILO TŠA KA BEIBELENG
Lešole le Ngwanenyana yo Monyenyane
Ngwana wa Moisiraele o ile a botša mong wa gagwe wa mosadi gore Jehofa o na le matla a magolo—seo se ile sa feleletša ka gore Jehofa a fodiše monna wa mosadi yoo ka mohlolo.
EKIŠA TUMELO YA BONA
Petro—O be a Botega ge a Lebane le Diteko
Tumelo le potego di ile tša thuša Petro go amogela phošollo e tšwago go Jesu?
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.
