Dimilione tša Dibopiwa tša Moya
Beibele e re botša gore go na le batho ba bantši ba moya. Jehofa ka noši ke moya.—Johane 4:24; 2 Ba-Korinthe 3:17, 18.
Ka nako e nngwe Jehofa o be a nnoši legohleng. Ke moka a thoma go bopa batho ba moya bao ba bitšwago barongwa. Ke ba matla le ba bohlale kudu go feta batho ba nama. Jehofa o bopile barongwa ba bantši; mohlanka wa Modimo Daniele, o bone barongwa ba dimilione tše lekgolo ponong.—Daniele 7:10; Ba-Hebere 1:7.
Barongwa ba ba bopilwe ke Modimo gaešita le pele ga ge a ka dira lefase. (Jobo 38:4-7) Ga go le o tee wa bona yo e lego motho yo a kilego a phela le go hwa mo lefaseng.
Jehofa, Moya o mogolo, o bopile batho ba dimilione ba moya