Jehofa o tla fediša ka mo go feletšego dilo tše mpe tšeo Sathane a di dirilego. Jehofa o dirile Jesu Kgoši godimo ga lefase ka moka. Ka tlase ga pušo ya gagwe, lefase le tla dirwa paradeise.—Daniele 7:13, 14; Luka 23:43.

Jehofa o holofetša dilo tše:

• MOTLALO WA DIJO: “Lefase le nthšitše dikenyô tša lôna. Re šexofatšwa ke Modimo, Modimo wa rena.” “Xo tlo ba le mohora wa mabêlê mo naxeng; ’phoxong tša thaba meré ya dienywa e tlo xwaša.”—Psalme 67:6; 72:16.

• GA GO SA TLO BA LE NTWA: “Tlang, Le bônê! Šé medirô ya Morêna, Mo-hlôla-thšoxô-faseng, Mo-fediša-dintwa xo fihla mafelong a lefase.”—Psalme 46:8, 9.

• GA GO SA TLO BA LE BATHO BA BABE: “Xobane ba babe ba tlo lôba; . . . Xo se xokae e mobe ó tlo ba a ile; O tlo bôxa lešope, yêna à se xôna.”—Psalme 37:9, 10.

• BOLWETŠI, MANYAMI GOBA LEHU DI KA SE BE GONA: “Ké mo xo tl’o xo budollwa mahlô a difofu, xwa thibollwa ’tsêbê tša difoa. Ké mo dixôlê di tl’o xo taboxa bo-ka  thsêpê, xwa tlo hlalala ’leme la semuma.”—Jesaya 35:5, 6.

  “’Me Yêna mong Modimo ó tlo ba le bôná è le Modimo wa bôná. ’Me Yêna Modimo ó tlo phomola mexôkxô ka moka mahlong a bôná; le lehu le ka se hlwê le e-ba xôna; le xe e le manyami le dillô le bohloko, di ka se hlwê di e-ba xôna; xobane tša pele di fetile.”—Kutollo 21:3, 4.

Ka go se swane le Sathane le batemona, Jehofa le ka mohla ga a aketše. Selo se sengwe le se sengwe se a se holofeditšego se swanetše go phethagala. (Luka 1:36, 37) Jehofa o a go rata gomme o rata gore o phele Paradeiseng yeo a tlago go e dira. Ka gona ikopanye le Dihlatse tša Jehofa gore o ithute ka mo go oketšegilego ka ditherešo tše tše kgahlišago tšeo di hwetšwago Lentšung la Modimo. Ge e ba o diriša therešo bophelong bja gago, o tla lokollwa tlemong ya maaka, ya tumela-khwele le go hlokeng tsebo. Ge nako e dutše e e-ya o tla ba wa lokollwa tlemong ya sebe le lehu. Go bjalo ka ge Jesu a itše: “La tlo tseba therešô, ’me therešô ya tlo Le lokolla.”—Johane 8:32.