Nywageng e ka bago e lekgolo e fetilego, Jehofa o ile a bea Jesu gore e be Kgoši magodimong ao a sa bonagalego. Ga e sa le go tloga ka nako yeo, ka mafolofolo bahlanka ba Modimo ba tsebaditše ditšhegofatšo tšeo Mmušo wa Kriste o tlago go di tliša. Anke o nagane ka seo! Ka tlase ga pušo e lerato ya Jesu, lefase e tla ba paradeise yeo e tletšego ka batho bao ba ratanago e le ka kgonthe. Go tla be go se na bosenyi, dintwa, bolwetši, tlaišego le lehu.

Go se go ye kae, ditšhegofatšo tšeo di tla tla. Mmušo wa Modimo ke selo sa kgonthe gomme o tla tla wa phethagatša dilo ka moka tšeo Jehofa a di rerilego. Rapelela gore Mmušo wo o tle, botša ba bangwe ka wona gomme o tšeele godimo dilo ka moka tšeo Mmušo wo o tlago go go direla tšona.