GO DIRA BARUTIWA
THUTO 10
Ikemišetše go Thuša Batho
Molao wa motheo: “Re ile ra kgahlišwa kudu ke go fetišetša go lena, e sego feela ditaba tše dibotse tša Modimo, eupša le meoya ya rena, gobane le bile ba rategago go rena.”—1 Bathes. 2:8.
Seo Jesu a se Dirilego
1. Bogela BIDIO goba o bale Johane 3:1, 2, ke moka o leke go araba dipotšišo tše di latelago:
-
O nagana gore ke ka baka la eng Nikodemo a ile a kgetha go ya go Jesu bošego?—Bona Johane 12:42, 43.
-
Jesu o bontšhitše bjang gore o be a ikemišeditše go dira batho barutiwa ge a be a kopana le Nikodemo bošego?
Seo re Ithutago Sona go Jesu
2. Ge re ikemišetša go dira batho barutiwa re bontšha gore re a ba rata.
Ekiša Jesu
3. Dumelela morutwana wa Beibele a ikgethela nako le lefelo leo a nyakago o mo ruta Beibele a le go lona. A ka ikgethela letšatši le itšego mo bekeng leo a ka thabelago go ithuta Beibele ka lona. Mohlomongwe a ka thabela go ithuta Beibele a le mošomong, a le ka gae goba a le lefelong la batho bohle. Leka go fetoša maemo a gago ke moka o mo rute ka nako yeo a hwetšagalago ka yona.
4. Ithute le yena ka mehla. Ge e ba o tla be o se gona, o ka nagana ka mekgwa e mengwe ya go mo swarela thuto ya Beibele. Ka mohlala:
5. Rapela Jehofa gore a go thuše gore o se ke wa fela matla. Ge motho yo o ithutago le yena Beibele a sa kgone go ithuta ka mehla goba a tšea nako go diriša seo a ithutilego sona, kgopela Jehofa gore a go thuše gore o se ke wa mo felela pelo. (Bafil. 2:13) Mohlomongwe morutwana wa Beibele o na le dika tše dintšhi tše dibotse. Rapela Jehofa gore a go thuše gore o dule o nagana ka tšona.
