Seo Jesu a se Dirilego

Seo re Ithutago Sona go Jesu

2. Re swanetše go rata batho bao re ithutago le bona Beibele, le go se tšhabe go ba botša seo ba swanetšego go se dira gore ba tle ba be le segwera se sebotse le Jehofa.

 Ekiša Jesu

3. Thuša morutwana go ipeela dilo tšeo a nyakago go di fihlelela, o be o mo thuše le go di fihlelela.

1.    O ka dira seo ka go diriša karolo yeo e rego, “Seo o ka se Dirago,” yeo e hwetšagalago mafelelong a thuto e nngwe le e nngwe ya puku ya, O ka Thabela Bophelo go ya go Ile!

2.   Thuša morutwana go lemoga dilo tšeo a ka kgonago go di fihlelela gona bjale le tšeo a ka di fihlelelago nakong e tlago.

3.   Dula o reta motho yo o ithutago le yena Beibele ge a dira tšwelopele.

4. O swanetše go tseba dilo tšeo di šitišago morutwana wa Beibele go dira tšwelopele, gomme o mo thuše go di fenya.

1.    Ipotšiše gore:

   • ‘Ke’ng seo se mo šitišago go kolobetšwa?’

   • ‘Nka mo thuša bjang?’

2.   Rapela Jehofa gore a go thuše gore o se ke wa tšhaba go mmotša seo a swanetšego go se dira.

5. Kgaotša go ithuta Beibele le batho bao ba sa dirego tšwelopele.

1.    Gore o tsebe ge e ba motho yo o ithutago le yena a dira tšwelopele goba go se bjalo, ipotšiše dipotšišo tše di latelago:

   • ‘Na o diriša seo a ithutago sona?’

   • ‘Na o ba gona dibokeng le go botša ba bangwe seo a ithutilego sona ka Beibeleng?’

   • ‘Ga e sa le go tloga a thomile go ithuta Beibele, na o bontšha gore o nyaka go ba yo mongwe wa Dihlatse tša Jehofa?’

2.   Ge e ba motho yo o ithutago le yena Beibele a sa bontšhe tšwelopele:

   • Mmotšiše gore ke eng seo se ka bago se mo šitiša go dira tšwelopele.

   • Bolela le yena ka botho gomme o mo hlalosetše gore ke ka baka la eng o kgaotša go ithuta Beibele le yena.

   • Mmotše gore o swanetše go dira eng ge e ba a nyaka gore o tle o tšwele pele ka go ithuta Beibele le yena.