KAROLO 2
Modimo wa Therešo ke Mang?
Go na le Modimo o tee wa therešo gomme leina la gagwe ke Jehofa. (Psalme 83:18) Ke Moya; re ka se kgone go mmona. O a re rata gomme o nyaka gore le rena re mo rate. Le gona o nyaka gore re rate batho ba bangwe. (Mateo 22:35-40) Ke Modimo yo a Phagamego, Mmopi wa dilo tšohle.
Sebopiwa sa pele go dibopiwa tša Modimo e be e le motho yo matla wa moya yoo ka morago a ilego a tsebja e le Jesu Kriste. Jehofa gape o ile a bopa barongwa.
Jehofa o bopile dilo ka moka legodimong . . . le lefaseng. Kutollo 4:11
Jehofa Modimo o bopile dinaledi gotee le lefase le dilo ka moka tšeo di lego go lona.—
O bopile Adama, motho wa pele, ka lerole la mmu.—Genesi 2:7.