Beibele e boletše e sa le pele ka dilo tše dintši tšeo di diregago lehono. E boletše gore batho e be e tla ba barati ba tšhelete, ba go se kwe batswadi, ba bogale le ba ratago maipshino.

Go be go tla ba le ditšhišinyego tše dikgolo tša lefase, dintwa, tlhaelelo ya dijo le malwetši a apareditšego. Dilo tše di a direga mo nakong ye.

Le gona, Jesu o boletše gore ditaba tše dibotse tša Mmušo di be di tla bolelwa lefaseng ka moka.​—Mateo 24:14.

Jehofa o tla fediša batho ba kgopo kgauswinyane.

Sathane le batemona ba tla otlwa.

Bao ba theetšago Modimo ba tla phologela lefaseng le lefsa la go loka, moo go ka se sa hlwago go eba le poifo, e lego lefase leo go lona batho ba botanago le go ratana.