Modimo wa therešo o laetše batho gore ba ngwale dikgopolo tša gagwe ka pukung e tee e kgethwa. Puku yeo ke Beibele. E hupere tsebišo e bohlokwa yeo Modimo a nyakago gore o e tsebe.

Modimo o tseba seo se re loketšego e bile ke yena Mothopo wa bohlale ka moka. Ge o ka mo theetša, o tla ba bohlale e le ka kgonthe.—Diema 1:5.

Modimo o nyaka gore motho yo mongwe le yo mongwe mo lefaseng a bale Beibele. Ga bjale e hwetšagala ka maleme a mantši.

Ge e ba o nyaka go theetša Modimo, o swanetše go bala Beibele o be o e kwešiše.

Dihlatse tša Jehofa di ka go thuša gore o kwešiše Beibele.

Di ruta therešo mabapi le Modimo lefaseng ka moka.

Ga go nyakege gore o lefe bakeng sa thuto ye. O ka ithuta gape ka Modimo Holong ya Mmušo ya Dihlatse tša Jehofa ya lefelong la geno.