BOPHELO BJA BOKRISTE
Sedirišwa se Sefsa sa go Thoma Dipoledišano
Go tloga ka January 2016, kgatišo ya batho bohle ya Morokami e na le sehlogo seo se rego: “Beibele e Re’ng?” Sehlogo se se sefsa se hlametšwe go re thuša go thoma dipoledišano ka ditaba tša Beibele. Se hlamilwe go swana le dipampišana tša rena. Go na le potšišo yeo e nyakago pono ya motho yeo e latelwago ke karabo ya Mangwalo, go akaretša le dintlha tša tlaleletšo tša poledišano.
Poledišano e botse ya Mangwalo gantši e lebiša dithutong tša Beibele. Diriša sehlogo se se sefsa go thuša ba bantši go kgotsofatša tlala ya bona ya moya.
KAMOO SE KA DIRIŠWAGO KA GONA:
-
Botšiša mong wa ntlo seo a se naganago ka e nngwe ya dipotšišo tšeo
-
Theetša gomme o leboge karabo ya gagwe
-
Bala lengwalo ka tlase ga sehlogwana se se rego “Seo Beibele e se Bolelago,” ke moka o mmotšiše seo a se naganago ka temana yeo. Ge e ba a na le nako, tšwetša poledišano pele, o diriša ntlha yeo e lego ka tlase ga sehlogwana se se rego “Ke Eng se Sengwe Seo re ka Ithutago Sona ka Beibeleng?”
-
Sepediša makasine
-
Rulaganya go boela gore le tle le ahlaahle potšišo e latelago