BOPHELO BJA BOKRISTE
Diriša Gabotse Dikgatišo le Dibidio tša Rena tša go Ruta Batho Beibele
Go dira motho morutiwa goba go mo ruta therešo go swana le go aga ntlo. E le gore re age gabotse, re swanetše go ithuta go diriša didirišwa tša rena gabotse. Sedirišwa sa rena se bohlokwa seo re se dirišago go ruta batho therešo ke Lentšu la Modimo, ka gona re swanetše go ithuta go le diriša gabotse. (2Ti 2:15) Le gona re swanetše go diriša gabotse dikgatišo tše dingwe le dibidio tša go Ruta Batho Beibele e le gore re kgone go dira barutiwa. *
O ka kaonefatša bjang bokgoni bja go diriša Dikgatišo le Dibidio tša Rena tša go Ruta Batho Beibele? (1) Kgopela molebeledi wa sehlopha sa tšhemo seo o lego go sona gore a go thuše, (2) šoma tšhemo le motho yo e lego kgale e le mogoeledi goba e le mmulamadibogo gomme (3) o dule o itlwaetša. Ge o e ba le bokgoni bja go diriša dikgatišo le dibidio tše, o tla thabela modiro wo re o dirago gona bjale wa go aga ka tsela ya seswantšhetšo.
DIMAKASINE
DIPOROUTŠHA
DIPUKU
DIPAMPIŠANA
DIBIDIO
DITALETŠO
DIKARATA TŠA JW.ORG
^ par. 3 Dikgatišo tše sego kae tšeo di sego gona karolong ya Dikgatišo le Dibidio tša go Ruta Batho Beibele, di ngwaletšwe mohuta o itšego wa batho. Re ka diriša dikgatišo tše ge go nyakega.
