BOPHELO BJA BOKRISTE
Go Kaonefatša Bokgoni bja Rena Bodireding—Ithute go Diriša JW.ORG
LEBAKA LEO GO LEGO BOHLOKWA: Kgatišo e nngwe le e nngwe yeo re ithutago le batho Beibele ka yona yeo e lego go Teaching Toolbox go JW Library, e go botša ka wepesaete ya jw.org. Ge e le gabotse morero o mogolo wa karata ya JW.ORG le pampišana ya Re ka Hwetša Kae Dikarabo tša Dipotšišo tša Bohlokwa bophelong?, ke go thuša batho gore ba tsene wepesaeteng ya rena. O ka šomiša wepesaete ya jw.org go nea motho kgatišo yeo e lego go Teaching Toolbox yeo e lego go JW Library. O ka mo romela linki ya kopi yeo, goba wa mo romela kopi yeo ka e-mail. Mekgwa ye e ka go thuša kudu ge o boledišana le motho yo a bolelago leleme lešele. Go oketša moo, batho ba ka re botšiša dipotšišo tšeo di arabjago ke dikgatišo tšeo di sego gona go Teaching Toolbox yeo e lego go JW Library. Ge re ka ithuta go diriša wepesaete ya jw.org, re tla kgona go thuša batho ba bantši tšhemong.
RE KA DIRA SEO BJANG?
-
Diriša karolo yeo e rego, “DITHUTO TŠA BEIBELE.” A re re o bolela ka Beibele le motswadi yoo a nyakago go tseba ka mo go oketšegilego mabapi le go godiša bana. Gore o kgone go mo thuša, eya go, DITHUTO TŠA BEIBELE > LENYALO LE LAPA.
-
Diriša karolo yeo e rego, “DIKGATIŠO.” A re re o boledišana ka Beibele le motho yoo o tsenago le yena sekolo, gomme o nyaka go mo nea poroutšha yeo e rego, Dikarabo tše 10 tša Dipotšišo Tšeo Bafsa ba di Botšišago. Eya go, DIKGATIŠO > DIPUKU LE DIPOROUTŠHA.
-
Diriša karolo yeo e rego, “MABAPI LE RENA.” A re re o botša mošomi mmogo le wena ka Beibele gomme mošomi yoo o nyaka go tseba ka bodumedi bja rena. Eya go, MABAPI LE RENA > DIPOTŠIŠO TŠEO DI BOTŠIŠWAGO KUDU KA DIHLATSE TŠA JEHOFA.
BOGELANG BIDIO YEO E REGO, ITHUTE GO DIRIŠA JW.ORG, KE MOKA LE ARABENG DIPOTŠIŠO TŠE DI LATELAGO:
-
re ka tsena kae go jw.org go thuša motho yo a sa dumelego gore Modimo o gona?
-
re ka tsena kae go jw.org go thuša motho yo a sa tšwago go welwa ke mathata?
-
re ka tsena kae go jw.org go thuša ngwanabo rena goba kgaetšedi yo a fodilego moyeng?
-
re ka tsena kae go jw.org go thuša motho yo a ilego a re botšiša gore modiro wa rena o thekgwa bjang ka tša ditšhelete?
-
re ka tsena kae go jw.org go thuša motho yo a tšwago nageng e nngwe gomme a nyaka go ya dibokeng nageng ya gabo?
