Jesu o hwetše batho bao ba sego ba phethagala. (Rom 5:8) Ga go pelaelo gore ka moka ga rena re leboga gore Jesu o ile a bontšha gore o a re rata ka go re hwela. Eupša ka dinako tše dingwe re swanetše go ikgopotša gore Kriste o hwetše le bana babo rena le dikgaetšedi. Re ka ekiša bjang lerato la Kriste ge re dirišana le bana babo rena le dikgaetšedi bao ba sego ba phethagala go swana le rena? Sa mathomo, re ka gwerana le batho ba bangwe bao ba sego ba godišwa go swana le rena. (Rom 15:7; 2Ko 6:12, 13) Sa bobedi, re swanetše go itlhokomela gore re se bolele goba go dira dilo tšeo di ka kgopišago ba bangwe. (Rom 14:13-15) Sa mafelelo, ge motho a re kgopiša re ka mo lebalela ka pelapela. (Lu 17:3, 4; 23:34) Ge re šoma ka thata gore re ekiše Jesu ka go dira dilo tše tše tharo, Jehofa o tla dira gore phuthego e be le khutšo le botee.

BOGELANG BIDIO YEO E REGO, EBA YO A RATEGAGO LE GO FETA! KE MOKA LE ARABENG DIPOTŠIŠO TŠE DI LATELAGO:

• Mathomong, Lerato o be a ikwa bjang ka phuthego ya gagwe e mpsha?

• Ke’ng seo se dirilego gore tsela yeo a bego a ikwa ka yona ka phuthego ya gabo e fetoge?

• Tsela yeo Jesu a ilego a swara barutiwa ba gagwe ka yona e ile ya thuša Lerato bjang go fetoša tsela yeo a ikwago ka yona ka phuthego ya gabo? (Mar 14:38)

• Diema 19:11 e ka re thuša bjang go lebelela Mokristegotee le rena gabotse?