BOPHELO BJA BOKRISTE
Gopola Mosadi wa Lota
Ke ka baka la’ng mosadi wa Lota a ile a lebelela morago ge a be a tšhaba Sodoma? Beibele ga e re botše lebaka. (Ge 19:17, 26) Ditemana tšeo di lego kgaolong ye di bontšha gore mosadi yo a ka ba a be a sa nyaka dilo tšeo a di tlogetšego morago. (Lu 17:31, 32) Ka ge mosadi wa Lota a ile a lahlegelwa ke tswalano e botse le Modimo, rena re ka dira’ng gore re se swane le yena? Ga se ra swanela go dumelela dilo tša manobonobo di e tla pele maphelong a rena. (Mat 6:33) Jesu o itše re “ka se be makgoba a Modimo le a Mahumo.” (Mat 6:24) Eupša go thwe’ng ge e ba re thoma go lemoga gore dilo tša manobonobo di re šitiša go dira dilo tša Modimo? Re ka rapela Jehofa gore a re nee bohlale bja gore re kgone go lemoga moo re swanetšego go dira diphetogo gona, le gore a re nee sebete le matla a go dira diphetogo tšeo.
PELE LE ETLA DIBOKENG BOGELANG DIKAROLO TŠE THARO TŠA BIDIO YEO E REGO, GOPOLA MOSADI WA LOTA, GOMME LE ARABENG DIPOTŠIŠO TŠE DI LATELAGO:
-
Nka bontšha bjang gore ke “gopola mosadi wa Lota”?
Kgateletšo yeo Gloria a bego a na le yona ya gore a dire tšhelete e ntši e ile ya kgoma bjang tsela yeo a naganago ka yona, tsela yeo a bolelago ka yona le yeo a dirago dilo ka yona?
-
Ke temošo efe yeo re e hwetšago go mosadi wa Lota lehono?
-
Lapa la Tlou le ile la thušwa bjang ke go diriša melao ya motheo ya Beibele?
-
Batho bao Anna a bego a gwerane le bona mošomong ba ile ba kgoma bjang tswalano ya gagwe le Modimo?
-
Ke ka baka la’ng re swanetše go ba le sebete ge e ba re gapeletšwa go etiša tšhelete pele bophelong?
-
Motau le Gloria ba ile ba lokiša bjang tswalano ya bona le Jehofa?
-
Ke melao efe ya motheo ya Beibele yeo o bonego e dirišwa bidiong ye?
