Modimo o ile a diriša moapostola Paulo go ngwalela Tito le bafsa ba bangwe gore ba šome ka thata gore e be ‘mehlala ya mediro e mebotse ditseleng ka moka.’ (Tit 2:6, 7) Lengwalong leo, Paulo o ile a bolela le gore Jesu o tla hlwekiša bahlanka ba Jehofa e le gore ba tle ba ‘fišegele mediro e mebotse.’ (Tit 2:14) O mongwe wa mediro e mebotse woo ba bego ba tla o fišegela ke go botša batho ditaba tše dibotse le go ba ruta ka Mmušo wa Modimo. Ge eba o le mofsa, na o ka diriša matla a gago ka go ba mmulamadibogo wa go thuša goba wa ka mehla?—Die 20:29.

Na o nyaka go ba mmulamadibogo? Bona ge eba maemo a gago a go dumelela. (Lu 14:28-30) Ka mohlala, ipotšiše gore: Ge nka ba mmulamadibogo wa ka mehla, ke tla hwetša kae tšhelete ya go itlhokomela? Nka dira’ng gore ke fihlelele diiri tša bobulamadibogo? Pele o dira phetho ya go ba mmulamadibogo, kgopela Jehofa gore a go thuše. (Ps 37:5) Boledišana le batswadi ba gago le babulamadibogo ba bangwe ka seo o nyakago go se dira. Ge maemo a gago a go dumelela, o ka dira phetho ya go ba mmulamadibogo. Jehofa o tla šegofatša maiteko a gago!

BOGELANG BIDIO YEO E REGO,BAFSA BAO BA GODIŠAGO JEHOFA, KE MOKA LE ARABENG DIPOTŠIŠO TŠE DI LATELAGO:

• Ke mathata afe ao bafsa bao ba lego mo bidiong ba ilego ba lebeletšana le ona pele e eba babulamadibogo, gona ba ile ba thušwa ke eng?

• Batswadi ba ka thuša bjang bana ba bona gore e be babulamadibogo ba ka mehla?

• Ke ka baka la’ng go ba le lenaneo la go ya tšhemong go le bohlokwa?

• Ditho tša phuthego di ka thuša bjang babulamadibogo le go ba kgothatša?

• Babulamadibogo ba hwetša ditšhegofatšo dife?