Yo mongwe le yo mongwe wa rena a ka kgona go direla Jehofa mediro e mebotse yeo Jehofa a ka se tsogego a e lebetše. Go no swana le motswadi yo lerato yoo a ka se tsogego a lebetše dilo tše dibotse tšeo ngwana wa gagwe a mo direlago tšona, Jehofa le yena a ka se tsoge a lebetše mediro e mebotse yeo re mo direlago yona le lerato leo re mmontšhago lona. (Mat 6:20; Heb 6:10) Ke nnete gore maemo a rena ga a swane, eupša re a thaba ge re dira sohle seo re ka se kgonago go hlankela Jehofa. (Gal 6:4; Kol 3:23) Ke kgale bana babo rena ba bantši le dikgaetšedi ba hlankela Bethele. Na le wena o ka ithaopela go šoma Bethele? Ge e ba maemo a gago a sa go dumelele, o ka kgothaletša motho yo mongwe gore a hlankele Bethele, goba wa thuša motho yoo a hlankelago bethele e le gore a tšwele pele a hlankela moo.

BOGELANG BIDIO YEO E REGO, NA O KA KGONA GO HLANKELA BETHELE? KE MOKA LE ARABENG DIPOTŠIŠO TŠE DI LATELAGO:

• Ke eng seo se swanetšego go re hlohleletša go hlankela Bethele?

• Bana babo rena ba bangwe ba re ba šegofaditšwe bjang ka go hlankela Bethele?

• Ke dilo dife tšeo di nyakegago gore motho a hlankele Bethele?

• Motho a ka kgopela bjang go hlankela Bethele?