Jehofa ga a bebe sefahlego. (Dit 10:34, 35) O amogela batho bao ba “tšwago ditšhabeng tšohle, melokong yohle, merafong yohle le malemeng ohle.” (Kut 7:9) Ka gona, ka phuthegong ya Bokriste ga go na kgethollo goba go rata batho ba itšego feela. (Jak 2:1-4) Re leboga thuto ya Modimo ka ge re thabela paradeise ya moya yeo go yona re bonago ge maphelo a batho a fetošwa. (Jes 11:6-9) Ge re dutše re itlhahloba ka kelohloko go ntšha mohuta le ge e le ofe wa kgethollo ka dipelong tša rena, re bontšha gore re ekiša Modimo.—Ef 5:1, 2.

• Ke ka baka la’ng thuto ya Modimo e phala maiteko ka moka a batho a go fediša kgethollo?

• Ke’ng seo se go kgahlago ka borwarre bja rena bja lefaseng ka moka?

• Jehofa o tagafatšwa bjang ge re dula re le boteeng le Bakristegotee le rena?