KE KA BAKA LA ENG GO LE BOHLOKWA: Batlotšwa le dinku tše dingwe ba laletša batho ba mehuta ka moka gore ba tle ba “tšee meetse a bophelo ka ntle le tefo.” (Kut 22:17) Meetse a a bophelo a emela dilo ka moka tšeo Jehofa a di neago batho bao ba mo kwago gore ba phologe sebeng le lehung. Ka gona, e le gore re thuše batho ba ditšo ka moka le ba ditumelo tša go fapafapana gore ba amogele “ditaba tše dibotse tša ka mo go sa felego,” re swanetše go bolela le bona ka tsela yeo ba tlago go di thabela.—Kut 14:6.

O KA FETOFETOGA LE MAEMO BJANG?

• Kgetha taba le lengwalo leo le tlago go dira gore batho ba tšhemong ya geno ba thabele go kwa molaetša wa Beibele. O ka diriša poledišano ya mohlala goba wa diriša mokgwa woo o bonago o go šomela tšhemong. Ke ditaba dife tšeo batho ba tšhemong ya geno ba di thabelago? Ke mangwalo afe ao a ba kgomago dipelo? Ke ditaba dife tšeo di sa tšwago go direga, tšeo batho ba tšhemong ya geno ba bolelago kudu ka tšona? Ke ditaba dife tšeo di ka kgahlago motho wa monna goba wa mosadi?

• Ge o le tšhemong dumediša ka tsela yeo batho ba lefelong la geno ba tlwaetšego go dumediša ka yona.—2Ko 6:3, 4

• Tlwaelana le dikgatišo le dibidio tšeo di lego ka go Teaching Toolbox gore o kgone go di diriša ge o boledišana le motho yo a bontšhago kgahlego

• Taonelouta dikgatišo le dibidio ka maleme ao a bolelwago tšhemong ya geno

• Fetoša taba yeo o bego o tlo bolela ka yona ge o hwetša mong wa ntlo a le maemong a itšego. (1Ko 9:19-23) Ka mohlala, ge o ka re o tsena ka lapeng wa hwetša mong wa ntlo a hlokofaletšwe, o tlo re’ng?

BOGELANG BIDIO GOMME LE ARABENG DIPOTŠIŠO TŠE DI LATELAGO:

• Ge mogoeledi a tsena ka lapeng la mong wa ntlo, o ile a boledišana le yena ka eng?

• Mong wa ntlo o be a lebeletšane le maemo afe?

• Ke lengwalo lefe leo mogoeledi a bego a swanetše go ba a le dirišitše boemong bjo, gona ka baka la eng?

• Wena ge o le tšhemong o fetoša bjang thero ya gago gore batho ba thabele molaetša wa Beibele?