BOPHELO BJA BOKRISTE
Lefase la ‘Metša Noka’
Ke go tloga kgale mebušo e thuša batho ba Jehofa. (Es 6:1-12; Est 8:10-13) Le lehono re kgona go bona “lefase,” e lego mebušo yeo e nago le tekatekano e metša “noka,” yeo e swantšhetšago tlaišo yeo e bakilwego ke “drakone,” e lego Sathane Diabolo. (Kut 12:16) Ka nako e nngwe Jehofa ‘Modimo yo a phološago,’ a ka dira gore babuši ba lefase ba hlakodiše batho ba gagwe.—Ps 68:20; Die 21:1.
Eupša go thwe’ng ge e ba o golegilwe ka baka la tumelo ya gago? Dula o gopola gore Jehofa o na le wena. (Ge 39:21-23; Ps 105:17-20) Kgodišega gore Jehofa o tla go putsa ka ge o na le tumelo, le gore tumelo ya gago e kgothatša Bakristegotee le wena lefaseng ka moka.—Fil 1:12-14; Kut 2:10.
BOGELANG BIDIO YEO E REGO, BANA BABO RENA BA KOREA BA LOKOLLWA KGOLEGONG, KE MOKA LE ARABENG DIPOTŠITŠO TŠE DI LATELAGO:
-
Ke ka baka la’ng bana babo rena ba bantši ba Korea Borwa ba be ba dutše ba swarwa?
-
Ke diphetho dife tšeo kgoro ya tsheko e di dirilego tšeo di ilego tša dira gore bana babo rena ba bangwe ba lokollwe kgolegong ka pelapela?
-
Re ka thuša bjang bana babo rena ba lefaseng ka moka bao ba swaretšwego tumelo ya bona?
-
Tokologo yeo re nago le yona gona bjale, re ka e diriša bjang ka tsela e botse?
-
Ke mang a re thušago go fenya melato kgorong ya tsheko?