Ga e sa le go tloga ka 2018, makasine o mongwe le o mongwe wo o sepedišwago o bolela ka taba e tee feela. Dimakasine tše ka moka di ka gare ga Teaching Toolbox. Se se ra gore re ka di diriša tšhemong. Le gona re ka sepela le tše sego kae ge re tšea maeto goba ge re eya go reka dilo tše itšego. Dimakasine tše ga se tša go ithuta Beibele le batho, eupša di ka thuša motho gore a nyake go ithuta ka mo go oketšegilego ka Modimo.

Ka morago ga go thoma poledišano le motho, mmalele lengwalo gomme o mmotše ka taba yeo e lego ka makasineng woo o naganago gore a ka o thabela. Ka mohlala, ge e ba motho yoo o godiša bana, goba o hlokofaletšwe goba o na le stress, o ka re go yena: “Ke sa tšwa go bala sehlogo se sengwe seo se bolelago ka taba yeo. Na o ka rata go se bala?” Ge e ba o bona eka motho yoo o a thabela, o ka mo nea makasine woo goba wa mo romela wona ka founo, le ge e le la mathomo o bolela le yena. Le ge morero wa rena o mogolo e se go sepediša dimakasine, dimakasine tše di ka re thuša go hwetša batho bao ba nyakago go diriša seo ba ithutago sona.—Dit 13:48.