Kholofelo e swana le tshetledi, e lego selo se boima seo se lahlelwago ka meetseng go thuša gore sekepe se se ke sa sepela. (Heb 6:19) Kholofelo e re thuša gore tumelo ya rena e se ke ya šikinyega ge re lebeletšane le mathata a magolo. (1Ti 1:18, 19) Mathata a magolo a ka akaretša go nyamišwa, go lahlegelwa ke dithoto, go babja nako e telele, go hlokofalelwa ke motho yo o mo ratago goba selo le ge e le sefe se sengwe seo se ka lekago potego ya rena.

Tumelo le kholofelo di re thuša go bona gabotse moputso wo re o holofeditšwego. (2Ko 4:16-18; Heb 11:13, 26, 27) Ka gona, go sa šetšwe gore kholofelo ya rena ke ya go yo phela legodimong goba go tlo phela mo lefaseng, re swanetše go e matlafatša ka go naganišiša ka dikholofetšo tšeo di lego ka Lentšung la Modimo. Ge re ka dira bjalo, go tla ba bonolo gore re dule re thabile le ge re imelwa ke mathata.—1Pe 1:6, 7.

BOGELANG BIDIO YEO E REGO THABANG KHOLOFELONG, KE MOKA LE ARABE DIPOTŠIŠO TŠE DI LATELAGO:

• Ke ka baka la’ng Moshe e le mohlala o mobotse wo re swanetšego go o ekiša?

• Dihlogo tša malapa di na le boikarabelo bofe?

• Ke dilo dife tšeo le ka bolelago ka tšona nakong ya Borapedi bja Lapa?

• Kholofelo e ka go thuša bjang go lebeletšana le mathata?

• Ke kholofetšo efe yeo o felago pelo ya go e bona e phethagala?