LEBAKA LEO GO LEGO BOHLOKWA: Ge e ba ‘dikgopolo pelong ya monna di etša bodiba,’ gona dipotšišo di swana le pakete ya go di kga. (Die 20:5) Dipotšišo di thuša batheetši gore e be karolo ya poledišano. Dikarabo tša dipotšišo tšeo di kgethilwego gabotse di re thuša go tseba seo batheetši ba rena ba se naganago. Jesu o be a diriša dipotšišo gabotse. Re ka mo ekiša bjang?

RE KA DIRA SEO BJANG?

• Botšiša dipotšišo tšeo di utollago seo motho a se naganago. Jesu o ile a botšiša barutiwa ba gagwe dipotšišo tše mmalwa gore a kwe seo ba se naganago. (Mat 16:13-16; be 238 ¶3-5) O ka botšiša dipotšišo dife tšeo di utollago seo motho a se naganago?

• Botšiša dipotšišo tšeo di thušago motho go hwetša karabo. Ge Jesu a be a phošolla Petro, o ile a mmotšiša dipotšišo a ba a mmotša dikarabo gore a mo thuše go kgetha karabo ya nnete. (Mat 17:24-26) O ka botšiša motho dipotšišo dife go mo thuša go hwetša karabo ya nnete?

• Reta motho yo o boledišanago le yena. Ka morago ga ge yo mongwe wa bamangwalo a “arabile ka bohlale,” Jesu o ile a mo reta. (Mar 12:34) O ka reta bjang motho yo a arabilego?

BOGELANG KAROLO YA MATHOMO YA BIDIO YEO E REGO, DIRA MODIRO WO JESU A O DIRILEGO—RUTA, KE MOKA LE ARABENG DIPOTŠIŠO TŠE DI LATELAGO:

• Ke ka baka la’ng tsela yeo ngwanabo rena a rutago ka yona e se mokgwa o mobotse wa go ruta, le ge ditaba tšeo a di bolelago di nepagetše?

• Go re’ng re sa swanela go no hlalosa dilo tšeo re di bolelago?

BOGELANG KAROLO YA BOBEDI YA BIDIO YEO, KE MOKA LE ARABENG DIPOTŠIŠO TŠE DI LATELAGO:

• Ngwanabo rena o ile a diriša bjang dipotšišo gabotse?

• Ke dilo dife tše dingwe tšeo re ka mo ekišago go tšona tabeng ya go ruta?