5:8, 18, 21

Mpho ya topollo yeo Jehofa a re neilego yona e bohlokwa kudu ka gobane e kgethagatša leina la gagwe le go bontšha gore Jehofa ke yena feela yoo a swanelwago ke go buša, e bile tsela ya gagwe ya go buša e di phala ka moka. Le gona topollo e dira gore re kgone go ba bagwera ba Jehofa, e bile e dira gore batho ka moka bao ba kwago Modimo ba tle ba hwetše bophelo bjo bo sa felego nakong e tlago.

Re ka bontšha bjang gore re leboga mpho ya topollo?

• Boineelo le kolobetšo di bontšha gore re na le tumelo sehlabelong sa topollo, e bile re nyaka go hlankela Jehofa

• Go bolela ditaba tše dibotse tša Mmušo wa Modimo go bontšha gore re ekiša Jehofa ka go rata batho ba mehuta ka moka.—Mat 22:39; Joh 3:16

Ke ka ditsela dife tše dingwe tšeo nka bontšhago gore ke leboga mpho yeo Jehofa a nneilego yona ya topollo?