Ke go tloga neng o letetše Mmušo wa Modimo gore o tle? Na o sa dutše o letile ka go se fele pelo go sa šetšwe mathata ao a go welago? (Rom 8:25) Bakriste ba bangwe ba hloilwe, ba bangwe ba swerwe gampe, ba bangwe ba golegilwe gomme ba bangwe ba tshepišwa le go bolawa. Mola ba bangwe ba na le malwetši a go se fole goba ba tšofetše.

Re ka thušwa ke’ng go dula re letile ka kgotlelelo le ge re na le mathata? Re swanetše go tiiša tumelo ya rena ka go bala Beibele ka mehla le go naganišiša ka seo re se balago. Re swanetše go dula re nagana ka kholofelo yeo re nago le yona. (2Ko 4:16-18; Heb 12:2) Re swanetše go lopa Jehofa ka thapelo gore a re nee moya wa gagwe o mokgethwa. (Lu 11:10, 13; Heb 5:7) Tatago rena yo lerato Jehofa o tla re thuša gore re “kgotlelele ka mo go tletšego ka go se fele pelo le ka lethabo.”—Kol 1:11.

BOGELANG BIDIO YEO E REGO, RE SWANETŠE GO ‘KITIMA KA KGOTLELELO’—EBA LE KGODIŠEGO YA GORE O TLO HWETŠA MOPUTSO, KE MOKA LE ARABENG DIPOTŠIŠO TŠE DI LATELAGO:

• Ke “ditiragalo [dife] tšeo di sa letelwago” tše di ka go welago bophelong? (Mmo 9:11)

• Thapelo e re thuša bjang ge re na le mathata?

• Ge e ba re se sa kgona go hlankela Jehofa ka tsela yeo re bego re mo hlankela ka yona mathomong, ke ka baka la’ng re swanetše go tshwenyega ka dilo tšeo re kgonago go di dira?

• Ke’ng seo se go thušago gore o kgodišege gore o tla hwetša moputso?