BOPHELO BJA BOKRISTE
Go Kaonefatša Bokgoni bja Rena Bodireding—Go Kgaotša go Ithuta Beibele le Morutwana Yoo a sa Dirego Tšwelopele
KE KA BAKA LA ENG O SWANETŠE GO KGAOTŠA THUTO: Batho ba swanetše go bitša leina la Jehofa e le gore ba phološwe. (Rom 10:13, 14) Eupša ga se batho ka moka bao ba ithutago Beibele bao ba nyakago go phela ka melao ya Jehofa. Re šomiša nako ya rena gabotse ge re le tšhemong ka go thuša batho bao ba tlogago ba nyaka go fetoša maphelo a bona e le gore ba thabiše Jehofa. Ge e ba morutwana a sa bontšhe tšwelopele le ge e le kgale re ithuta Beibele le yena, e ka ba ga bohlale gore re kgaotše go ithuta le yena gomme re tsome bao Jehofa a ba gogelago go yena le ka mokgatlong wa gagwe. (Joh 6:44) Ge e ba ka morago motho yoo a ka fetoga gomme a bontšha gore o na le “tshekamelo e swanetšego ka bophelo bjo bo sa felego,” re ka tšwela pele re ithuta Beibele le yena.—Dit 13:48.
O KA KGAOTŠA THUTO BJANG?
-
Reta morutwana ka ge a nyaka go ba le tsebo e nepagetšego.—1Ti 2:4
-
Mo hlalosetše kamoo go diriša seo a ithutilego sona go lego bohlokwa ka gona.—Lu 6:46-49
-
Ka tsela e botho, boledišana le yena ka papišo ya Jesu ya mobjadi, gomme o mmotšiše gore ke selo sefe seo se mo thibelago go dira tšwelopele.—Mat 13:18-23
-
Ka bohlale, mo hlalosetše gore ke ka baka la’ng o kgaotša go ithuta Beibele le yena
-
Mmotše gore o tla fela o mo etela le gore o tla tsošološa thuto ya Beibele ge a ikemišeditše go dira diphetogo
BOGELANG BIDIO GOMME LE ARABENG DIPOTŠIŠO TŠE DI LATELAGO:
-
Poledišanong ye, ke’ng seo se bontšhago gore morutwana o be a sa dire tšwelopele moyeng?
-
Mogoeledi o bontšhitše morutwana bjang gore o swanetše go dira diphetogo?
-
Mogoeledi o dirile’ng go bontšha gore o tla tla a tšwela pele ka thuto ya Beibele ge feela morutwana a ikemišeditše go dira diphetogo?