Ge o lebelela letšoba leo le nago le mebalabala, leratadima leo le tletšego dinaledi goba diphororo tše dikgolo, na o kgona go bona mošomo o mobotse wa Mmopi? Tlholo e tloga e re utollela dika tša Jehofa tšeo di sa bonagalego. (Rom 1:20) Ge re emanyana gomme re naganišiša ka seo re se bonago, re kgona go bona matla a Modimo, lerato la gagwe, bohlale, toka gotee le botho bja gagwe.—Ps 104:24.

Ke dilo dife tše dingwe tšeo Jehofa a di bopilego tšeo o di bonago letšatši le letšatši? Le ge o dula toropong o ka bona dinonyana le mehlare. Go bogela tlholo ya Jehofa go ka re thuša gore re se ke ra belaela kudu e bile go ka re thuša gore re tshwenyege ka dilo tše bohlokwa. Le gona go ka re thuša go ba le tumelo e oketšegilego ya gore Jehofa o tla dula a re hlokomela. (Mateo 6: 25-32) Ge e ba o na le bana, ba thuše go bona dika tša Jehofa tšeo di kgahlišago kudu. Ge tlholo ya Modimo e dutše e re kgoma pelo, re tla batamela kgauswi kudu le yena.—Ps 8:3, 4.

BOGELANG BIDIO YEO E REGO, TLHOLO YA MODIMO E MAKATŠAGO E RE BONTŠHA LETAGO LA GAGWE—SEETŠA LE MEBALA, KE MOKA LE ARABENG DIPOTŠIŠO TŠE DI LATELAGO:

• Ke’ng seo se re thušago gore re kgone go bona mebala?

• Ke eng seo se dirago gore mmala o itšego o fetofetoge?

• Ke ka baka la eng re bona mebala e sa swanego leratadimeng?

• Ke mebala efe yeo e go kgahlago kudu yeo e lego dilong tšeo Modimo a di bopilego?

• Ke ka baka la’ng re swanetše go ipha nako ya go bogela tlhago?