Go swana le ge Jehofa a be a rulagantše Baisiraele, le lehono o rulaganya batho ba gagwe gore ba kgone go dira modiro wo a ba neilego wona. Lefaseng ka moka, diofisi tša makala, ditikologo, diphuthego le dihlopha tša tšhemo, ka moka di šoma gotee go dira gore re kgone go botša batho ditaba tše dibotse. Re botša batho ka moka ditaba tše dibotse, go akaretša le bao ba bolelago maleme a mangwe.—Kut 14:6, 7.

Na o kile wa nagana ka go ithuta leleme le lengwe gore o kgone go thuša batho ba bangwe go ithuta therešo? Le ge o se na nako ya go ithuta leleme le lengwe, o ka diriša lenaneo la JW Language go ithuta matseno a bonolo ka leleme le lengwe. Ka morago ga gore o diriše matseno ao tšhemong, o tla thaba go swana le kamoo Bakriste ba pele ba ilego ba thaba ka gona. Ba be ba thabile kudu ge batho bao ba tšwago dinageng tše dingwe ba be ba makaditšwe ke go kwa “matete a Modimo” ka maleme a gabo bona.—Dit 2:7-11.

BOGELANG BIDIO YEO E REGO EBA MOGWERA WA JEHOFA—BOLEDIŠANA LE BATHO KA BEIBELE KA LELEME LE LENGWE, KE MOKA LE ARABENG DIPOTŠIŠO TŠE DI LATELAGO:

• Ke neng moo o ka dirišago lenaneo la JW Language?

• Lenaneo le le na le dikarolo dife?

• Batho ba tšhemong ya gabo lena ba bolela maleme afe?

• O swanetše go dira’ng ge o kopana le motho yo a nyakago go ithuta Beibele eupša a bolela leleme le lengwe?—od 100-101 ¶39-41