Ke mathata afe ao o lebeletšanago le ona letšatši le letšatši? Na o hlogo ya lapa gomme o na le mediro e mentši yeo o swanetšego go e dira? Na o motswadi yo a se nago molekane yoo a lekago ka thata go hlokomela lapa? Na o mofsa yo a tlaišwago ke dithaka sekolong? Na o tshwenywa ke bolwetši bjo itšego goba botšofadi? Motho yo mongwe le yo mongwe o na le mathata. Bakriste ba bantši ba welwa ke mathata a mantši ka nako e tee. Eupša re a tseba gore kgauswinyane Jehofa o tlo fediša mathata a a rena.—2Ko 4:16-18.

Re sa letile nako yeo, re ka kgothatšwa ke go tseba gore Jehofa o kwešiša mathata a rena, o leboga tsela yeo re mmotegelago ka yona le kgotlelelo ya rena, e bile o tlo re šegofatša kudu nakong e tlago. (Jer 29:11, 12) Jesu le yena o na le taba le rena. Ge re dutše re dira mediro ya rena ya Bokriste, o re kgonthišetša gore: “Ke na le lena.” (Mat 28:20) Ge re ka ipha nako ya go naganišiša kamoo re tlago go lokologa ka gona ge Mmušo wa Modimo o tla be o buša, re tla matlafatša kholofelo ya rena gomme ra ikemišetša go dula re kgotleletše mathata ao a re welago gona bjale.—Rom 8:19-21.

BOGELANG BIDIO YA DULA O LEBELETŠE JESU GE LEDIMO LE DUTŠE LE BATAMELA!—DITŠHEGOFATŠO TŠA MMUŠO TŠA NAKONG E TLAGO, KE MOKA LE ARABE DIPOTŠIŠO TŠE DI LATELAGO:

• Go tlile bjang gore batho ba aroge go Modimo, gona mafelelo a seo e bile afe?

• Batho bao ba botegelago Jehofa ba letetšwe ke bokamoso bja mohuta ofe?

• Ke’ng seo se tla dirago gore bokamoso bjoo bjo bo kgahlišago bo kgonege?

• Ke dilo dife tšeo o felago pelo ya go tlo bona di direga lefaseng le lefsa?